Type to search

Breaking News maharashtra आवर्जून वाचाच देश विदेश मुख्य बातम्या

हिंदूत्वाची ज्योत मनामनात प्रज्वलीत करण्यासाठी संघाचे विरोधकांसह 3 हजार दिग्जांना आमंत्रण

Share
नवी दिल्ली : हिंदुत्वामुळे देश कसा अखंड राहू शकतो, याबाबतची ज़्योत मनामनात प्रज्वलीत करण्यासाठी सरसंघचालक मोहन भागवत यांच्या भाषणाचे विरोधकांसह सुमोर 3 हजार दिग्जांना संघाने कार्यक्रमाचे आंमत्रण दिले आहे.

येत्या १७ ते १९ सप्टेंबर दरम्यान दिल्लीतील विज्ञान भवनात या कार्यक्रमाचं आयोजन करण्यात आलं आहे. सरसंघचालक मोहन भागवत यांच्या उपस्थितीत होणाऱ्या या तीन दिवसीय शिबिरात ‘भविष्यातील भारत: संघाचा दृष्टीकोण’ या विषयावर मंथन होणार आहे.राष्ट्रवाद, महिला सक्षमीकरण, जाती व्यवस्था, जम्मू-काश्मीर आणि नागरिकांची नोंदणी आदी विषयावरही ते मत व्यक्त करणार आहे.

विरोधकांसह 3 हजार दिग्जांना आमंत्रण

या कार्यक्रमासाठी संघाने राहुल गांधी यांच्यासह काँग्रेसचे नेते मल्लिकार्जुन खर्गे, अखिलेश यादव, मायावती, पश्चिम बंगालच्या मुख्यमंत्री ममता बॅनर्जी आणि चंद्राबाबू नायडू यांच्यासह विविध क्षेत्रातील तीन हजार नामवंतांनाही निमंत्रण दिलं आहे. तीन दिवस चालणाऱ्या या कार्यक्रमाला ८०० ते १००० लोक उपस्थित राहतील असा अंदाज व्यक्त करण्यात येत आहे.

विशेष म्हणजे संघाच्या कार्यक्रमाला कधीही न आलेल्या लोकांची संघाने यादी तयार केली असून त्यापैकी निवडक लोकांना निमंत्रण देण्यात आल्याचं सूत्रांनी सांगितलं. जास्तीत जास्त लोकांना संघाची विचारधारा आणि कार्यप्रणाली माहीत व्हावी या हेतूने या कार्यक्रमाचं आयोजन करण्यात आल्याचं संघाकडून सांगण्यात आलं.

ज्या नामवंतांना निमंत्रण देण्यात आलं आहे. त्यांची नावं आम्ही जाहीर करणार नाही. कोणताही वाद निर्माण होऊ नये हा त्यामागचा हेतू आहे, असं संघाच्या एका नेत्याने सांगितलं. शिवाय या कार्यक्रमाला विविध धर्माच्या लोकांनाही बोलावण्यात येत आहे, असंही ते म्हणाले.

काँग्रेस अध्यक्ष राहुल गांधी यांच्यापाठोपाठ राष्ट्रीय स्वयंसेवक संघाने बहुजन समाज पार्टीच्या सर्वेसर्वा मायावती, पश्चिम बंगालच्या मुख्यमंत्री ममता बॅनर्जी आणि समाजवादी पार्टीचे नेते अखिलेश यादव यांच्यासह ३ हजार बड्या असामींना कार्यक्रमाचं निमंत्रण दिलं आहे.

राष्ट्रीय आणि प्रादेशिक पक्षांचे नेते, सामाजिक कार्यकर्ते, निवृत्त सरकारी अधिकारी आणि धार्मिक नेत्यांचाही त्यात समावेश आहे. त्यामुळे मायावती आणि अखिलेश यादव संघाचं निमंत्रण स्वीकारतात का? याकडे संपूर्ण देशाचं लक्ष लागलं आहे.

Leave a Comment

Your email address will not be published. Required fields are marked *

*

error: Content is protected !!