दादरा आणि नगर हवेलीच्या जिल्हाधिकार्‍याने ओळख लपवून केरळ पुरग्रस्तांना केली मदत

0
नवी दिल्ली : जिल्हाधिकारी होऊन जनसेवा करण्याचे स्वप्न अनेकजण पाहत असतात. पाहिलेल्या स्वप्नांनुसार ते जिल्हाधिकारीही होत असतात. परंतू जनसेवेचे स्वप्न पूर्ण करण्यास ते विसरत असतात. याला अपवाद ठरालेत ते दादरा आणि नगरहवेलीचे जिल्हाधिकारी कन्नन गोनीनाथन.

कन्नन गोपीनाथन हे मुळचे केरळच्या कोट्यमचे रहीवासी. दादरा हवेली येथे जिल्हाधिकारी म्हणून त्यांची नियुक्ती आहे. आपल्या मातृभूमीला पावासामुळे पुर आलेला असतांना मातृभूमीतील पुरग्रस्तांच्या मदतीसाइी धावून जाण्याचे आणि मातृभूतीचे ऋण फेडण्याची हीच योग्य संधी आहे असे मानत त्यांनी कार्यालयीन कामाकाजातून अधिकृत रित्या सुटी घेवून केरळला दाखल झालेत.

केरळमध्ये पोहोचण्याआधी त्यांनी दादरा आणि नगर हवेली प्रशासनाकडून १ कोटींचा धनादेश केरळ मुख्यमंत्री आपत्कालीन मदत निधीला पाठवण्याचं काम केलं.

केरळ पूरग्रस्तांना मदत करताना त्यांनी आपली ओळख जाणीवपूर्वक होऊ दिली नाही. काही दिवस त्यांनी अलपुझामध्ये काम केलं. त्यानंतर एर्नाकुलमसाठी रवाना झाले. एर्नाकुलममध्ये काम करीत असताना त्यांची ओळख पटली. केबीपीएस प्रेस सेंटरला एर्नाकुलमचे जिल्हाधिकारी पोहोचले त्यावेळी त्यांनी त्या ठिकाणी काम करत असलेल्या कन्नन यांना ओळखले.

त्यावेळी त्यांच्यासोबत काम करीत असलेल्या इतर सहकाऱ्यांना आश्चर्य वाटले. ज्यांच्यासोबत काम करतोय ते एक जिल्हाधिकारी आहेत, हे त्यांना माहितीच नव्हते. कन्नन यांच्या या कामांचे सोशल मीडियावर खूप कौतूक होत आहे. कन्नन यांनी मदतीदरम्यानची संपू्र्ण माहिती काही ट्विट्समधून शेअर सुद्धा केली आहे.

LEAVE A REPLY

*