हिंगोणेकर उपोषणकर्त्यांपैकी तिघांची सहाव्या दिवशी प्रकृती चिंताजनक

0

चाळीसगाव । प्रतिनिधी : तालुक्यातील तितूर नदीतून 300 कोटी रूपयांच्या वाळू तस्करी विरोधात हिंगोणेकरांनी सुरू केलेल्या उपोषणार्थीपैकी तीघांची प्रकृती चिंताजनक झाली आहे.

तितुर नदीतून 300 कोटी रुपयांच्या वाळू तस्करी विरोधात उपोषण सुरूच आहे. उपोषण करणाऱ्या हिंगोणे गावातील उप सरपंच अरविंद भीमराव चव्हाण, एकनाथ नामदेव कोष्टी, दिलीप रामचंद्र पाटिल यांची प्रकृती गंभीर झालीय. त्यांच्यावर उपचार करण्यात येत आहे.

हिंगोणे येथे तितुर नदी मध्ये वाळू चोरीचा पंचनामा खोटा असून, क्षुल्लक अशी वाळू चोरी दाखवण्यात आलीय. चाळीसगाव तहसीलदार आणि प्रांत यांच्या अनुपस्थितीत त्रयस्थ यंत्रणेमार्फत याच मोजमाप व्हावं, आरोपीवर मोक्का, शासनाची फसवणूक केल्याप्रकरणी 120 ब आणि 420 चा गुन्हा दाखल होत नाही तो पर्यंत उपोषण सुरूच राहील अशी भूमिका गावकऱ्यांनी घेतली आहे.

LEAVE A REPLY

*