Type to search

maharashtra आरोग्यदूत आरोग्यम धनसंपदा आवर्जून वाचाच जळगाव

कॅन्सरग्रस्त रुग्णांना हवाय मदतीचा हात

Share

जळगाव ।  प्रतिनिधी  : दिवसेंदिवस कॅन्सरच्या रुग्णांमध्ये वाढ होत आहे. या रुग्णांना वेळोवेळी योग्य उपचारासह सरकारी मदत व त्यांच्या कुटुंबियांना धीर देण्याची गरज असल्याचे मत चर्चासत्रात मान्यवरांनी व्यक्त केला.

दै. देशदूत तर्फे कॅन्सर दिनानिमित्त आयोजित या चर्चासत्रात कॅन्सरतज्ञ डॉ. गोंविद मंत्री, डॉ. सचिन राणे, हेतलकुमार पिपरिया,जनमानतवता फाऊंडेशनचे राजमोहम्मद शिकलगर, कॅन्सरग्रस्त बबलु पिंपरिया, आम्ही मैत्रिणी कॅन्सर सपोर्ट गु्रपच्या सुजाता कुळकर्णी, स्मिता बंगाली या सहभागी झाल्या होत्या. तसेच यावेळी दै.देशदूतचे महाव्यवस्थापक विलास जैन, निवासी संपादक विक्रांत पाटील, वृत्तसंपादक पंकज पाचपोळ हे उपस्थित होते.

या चर्चासत्रात कॅन्सरग्रस्त रुग्णांना उपचारासाठी आसाम, झारखंडप्रमाणे मुंबईत महाराष्ट्र निवास येथे एक रुपये रोजाने राहण्याची, शिधा व स्वयंपकाची व्यवस्था करण्यात यावी, तसेच ग्रामीण भागात देखील रेडीएशनची व्यवस्था उपलब्ध व्हावी, त्याचप्रमाणे कॅन्सरच्या आजारात उपचारासाठी लागणारा खर्च हा सर्वांना परवडणारा नसतो. त्यामुळे त्यात सरकारकडून मदत मिळावी. त्याचप्रमाणे दात्यांनीही मदतीसाठी पुढे येवून रुग्णांसह त्यांच्या कुटुंबियांना पाठबळ व मानसिक आधार द्यावा असे मत कॅन्सररुग्ण बबलु पिपरिया यांनी व्यक्त केले.

तसेच जनमानवता फाऊंडेशनचे राजमोहम्मद शिकलगर यांनी शासनाने कॅन्सरग्रस्त रुग्णांसाठी 600 रुपये महिना या योजनेचा लाभ घ्यावा. त्याचप्रमाणे कॅन्सरग्रस्त रुग्णांना व त्यांच्यासोबत सहाय्यकासा बसमधून प्रवासभाड्यात पूर्ण सवलत मिळावी अशी अपेक्षाही त्यांनी व्यक्त केली .

त्याचप्रमाणे दै. देशदूत तर्फे कॅन्सरग्रसत रुग्ण व दात्यांना एकाच व्यासपीठावर आणून कॅन्सरग्रस्त रुग्णांच्या समस्या सोडविण्यात, त्यांना उपचारात व मानसिक आधारात मदतीचा प्रयत्न केला जाईल यासाठी प्रयत्न केले गेले पाहिले असे मत डॉ. गोविंद मंत्री यांनी व्यक्त केले. डॉक्टरर्स, आम्ही मैत्रिणी, जनमानवता फाऊंडेशन व या क्षेत्रातील कार्यरत सर्वांनी मिळून कॅन्सरशी लढा उभारू असे आश्वासन दै.देशदूत चे महाव्यवस्थापक विलास जैन यांनी दिले.

Leave a Comment

Your email address will not be published. Required fields are marked *

*

error: Content is protected !!