Type to search

Breaking News maharashtra आवर्जून वाचाच जळगाव मुख्य बातम्या

बालभारतीची क्रमिक पाठ्यपुस्तके आता मोबाईलवरही उपलब्ध : तंत्रस्नेही शिक्षक समूहाचा अनोखा उपक्रम

Share

पाल, ता.रावेर । वार्ताहर :  इयत्ता पहिली ते दहावीची सर्व विषयांची क्रमिक पाठ्यपुस्तके ऑनलाइन उपलब्ध करून तंत्रस्नेही शिक्षक समुहाने एक आदर्श उपक्रम राबविला आहे.

पहिली ते दहावीच्या मराठी माध्यमांची सर्व विषयांची बालभारतीची क्रमिक पाठ्यपुस्तके राज्यातील सर्व विद्यार्थी, शिक्षक आणि पालकांना मोबाईलवर उपलब्ध करून देण्यात आली आहे. मे महिन्यातील सुट्टीत देखील तंत्रस्नेही शिक्षक समुहाच्या प्रशासकांनी नाविन्यपूर्ण उपक्रम करीत समाजापुढे एक आदर्श ठेवला. राज्यातील लाखो विद्यार्थी, शिक्षक आणि पालकांना बालभारतीची सर्व विषयांची क्रमिक पाठ्यपुस्तके मोबाईलवर ऑनलाइन उपलब्ध करून दिली. स्मार्ट फोनवर पुस्तकाप्रमाणे पाने उलटत ही सर्व पाठ्यपुस्तके आपण सहज कोठेही बसून वाचू शकतो.

बालभारतीची पुस्तके विद्यार्थी, शिक्षक आणि पालकांना मोबाईलवर मनोरंजक पध्दतीने वाचता यावी, कोठेही उपलब्ध व्हावी, विद्यार्थ्यांना वाचनाची गोडी लागावी आणि विद्यार्थ्यांनी मोबाईलचा सदुपयोग करावा यासाठी हा भन्नाट उपक्रम राबविण्यात आला.

नाशिकच्या प्रादेशिक विद्या प्राधिकरणाच्या उपसंचालिका पुष्पा पाटील यांच्या हस्ते ’बालभारती’ प्लिपबुक पाठ्यपुस्तकांचा ऑनलाइन प्रकाशन सोहळा पार पडला. सोलापूरच्या ‘सर फाउंडेशन’ चे राज्य समन्वयक सिद्धाराम माशाळे, बाळासाहेब वाघ आणि हेमांगी शिंदे, नाशिकचे मिलिंद पगारे, भालचंद्र भोळे, अलंकार वारघडे, सदाशिव अत्तारकर, समीर सैय्यद हे प्रमुख पाहुणे होते. ‘तंत्रस्नेही शिक्षक समूह महाराष्ट्र’ विद्यार्थ्यांच्या गुणवत्ता वाढीसाठी सतत नवनवीन उपक्रम राबवित असून राज्यात या समूहाचे सत्तर व्हाट्सएप ग्रुप, टेलीग्राम चैनल, फेसबुक आणि युटुब चैनलचे वीस हजार सभासद आहेत.

प्रकाशन सोहळ्याच्या यशस्वितेसाठी तंत्रस्नेही समूहाचे संस्थापक प्रमुख नितीन केवटे, मुख्य पर्यवेक्षक नितीन गुंजाळ, समाधान अहिरे, विश्वांबर बोकडे, ओंकार भोई, गीतांजली गजबे, क्रांती महिरे, मधुकर घायदार, ब्लॉगप्रमुख सुनिल बडगुजर, प्रशासक जितेंद्र गवळी, सुनील राठोड, वैशाली शिंदे, विजय आगम, सचिन महाडकर, किशोर सोनवणे, प्रभाकर गढरी, मनीषा पांढरे, देवराम लुचे, राणा चौधरी, मधुकर कोठावळे, रवींद्र भोंग, सुदर्शना नाईकनवरे, कृष्णा कालकुंद्रीकर, खुशाल डोंगरवार, बाळासाहेब बारवेकर, उमेश राठोड आदी प्रशासक उपस्थित होते. सुत्रसंचालन श्रीमती शर्मिला देसले यांनी केले तर आभारप्रदर्शन महेश पराड यांनी मानले.
तंत्रस्नेही शिक्षक समुहाच्या या उपक्रमाचे राज्यात सर्वत्र कौतुक होत आहे.

बालभारतीची सर्व विषयांची क्रमिक पाठ्यपुस्तके ही https://tssmaha.blogspot.com या संकेत स्थळावर तसेच https://drive.google.com/file/d/1XWzB4-XiMXTF-YUJjKY-YHPo3JipWXiG/view?usp=drivesdk या गुगल ड्राइव्हवर डाउनलोडसाठी उपलब्ध आहेत. या संकेतस्थळावर जात हवी ती पुस्तके मोबाईलसह संगणकावर वाचू शकतात.

शिक्षण डिजीटल करण्यात तंत्रस्नेही समुहाचा मोलाचा वाटा

आज शिक्षण डिजिटल झाले आहे. तंत्रस्नेही शिक्षक समूह शिक्षकांना तंत्रस्नेही करण्याचे उत्तम कार्य करीत आहे.

या समूहाचा मला गर्व वाटतो.

पुष्पा पाटील, उपसंचालिका, प्रादेशिक विद्या प्राधिकरण, नाशिक

 

 

बालभारती फ्लिपबुक उपयुक्त

बालभारती फ्लिपबुक शिक्षक, पालक व विद्यार्थ्यांसाठी अत्यंत उपयुक्त आहे. यामुळे विद्यार्थ्यांचे शिक्षण आनंददायी होईल.

याचा राज्यातील शिक्षकबंधू निश्चितच उपयोग करतील याची मला खात्री आहे.

सिद्धाराम माशाळे, राज्य समन्वयक, सर फाउंडेशन, सोलापुर.

Leave a Comment

Your email address will not be published. Required fields are marked *

*

error: Content is protected !!