Type to search

Breaking News maharashtra मुख्य बातम्या

होय… आम्हीच झाडल्यात दाभोळकरांवर गोळ्या : कळसकर ची सीबीआयला माहीती

Share

पुणे :  महाराष्ट्र अंधश्रद्धा निर्मूलन समितीचे कार्याध्यक्ष डॉ. नरेंद्र दाभोलकर यांच्या हत्या प्रकरणातील संशयित शरद कळसकर याची न्यायवैद्यकीय चाचणी घेण्यात आली, तेव्हा चाचणीत, ‘मी आणि साथीदार सचिन अंदुरेने डॉ. दाभोलकर यांच्यावर गोळीबार केला,’ अशी माहिती कळसकरने केंद्रीय गुन्हे अन्वेषण विभागाला (सीबीआय) दिली.

कळसकरची न्यायवैद्यकीय चाचणी करण्यात आली असून, या चाचणीत कळसकर आणि अंदुरेने डॉ. दाभोलकर यांच्यावर गोळीबार केल्याची माहिती कळसकरने दिली आहे. डॉ. दाभोलकर हत्या प्रकरणात कळसकरचे वकील अ‍ॅड. संजीव पुनाळेकर आणि विक्रम भावे यांना २५ मे रोजी सीबीआयने अटक केली होती.

‘गेल्या वर्षी जून महिन्यात मी अ‍ॅड. पुनाळेकर यांची भेट घेतली होती. त्या वेळी अ‍ॅड. पुनाळेकर यांनी डॉ. दाभोलकर यांची हत्या करण्यासाठी वापरण्यात आलेले शस्त्र नष्ट करण्याचा सल्ला दिला होता,’ असे कळसकरने न्यायवैद्यकीय चाचणीत ‘सीबीआय’ला सांगितले.

फेब्रुवारी २०१९ मध्ये ‘सीबीआय’कडून विशेष न्यायालयात दाखल करण्यात आलेल्या दोषारोपपत्रासोबत न्यायवैद्यकीय चाचणीचा अहवाल जोडण्यात आला होता. ‘सीबीआय’चे विशेष सरकारी वकील अ‍ॅड. प्रकाश सूर्यवंशी यांनी मंगळवारी या अहवालाचा आधार घेऊन बाजू मांडली.

Leave a Comment

Your email address will not be published. Required fields are marked *

*

error: Content is protected !!