Type to search

आवर्जून वाचाच जळगाव

अपघातावर उपाय : कवयित्री बहिणाबाई चौधरी उत्तर महाराष्ट्र विद्यापीठात येणार्‍यांना आजपासून हेल्मेट सक्ती

Share

जळगाव | प्रतिनिधी  : कवयित्री बहिणाबाई चौधरी उत्तर महाराष्ट्र विद्यापीठाने बुधवार दि. 19 जून पासून विद्यापीठात दुचाकी वाहनाने येणार्‍या कर्मचार्‍याना हेल्मेट परिधानाची सक्ती केली आहे. 

कुलगुरू प्रा. पी.पी. पाटील हे गेल्या दोन वर्षांपासून कर्मचाज्यांनी दुचाकीवर हेल्मेट घालूनच यावे यासाठी आग्रही राहिले आहेत. कारण विद्यापीठ हे शहराच्या मध्यवर्ती ठिकाणापासून नऊ ते दहा कि.मी. अंतरावर असून विद्यापीठात येण्यासाठी न्ॉशनल हायवे क्रमांक 6 चा वापर करावा लागतो. या रस्त्यावर प्रचंड वर्दळ आहे अन्य कोणताही पर्यायी मार्ग विद्यापीठात येण्यासाठी नाही. या हायवेवर वारंवार अपघात झाले आहेत. यामध्ये विद्यापीठातील काही जणांना जीव गमवावा लागला. याशिवाय काही जण जखमी सुध्दा झालेले आहेत. दोन दिवसांपुर्वी बांभोरी पुलावर वाल्मिक शिरसाठ या कर्मचाज्याचा गंभीर अपघात झाला
. वारंवार घडणाज्या ह्या घटना लक्षात घेवून प्रशासनाने वेळोवेळी हेल्मेट वापराचे आवाहन केले होते. मात्र त्याला मिळणार अल्प प्रतिसाद पाहून विद्यापीठ प्रशासनाने 19 जून पासून विद्यापीठ परिसर दुचाकीवरील हेल्मेट सक्तीचा परिसर करण्याचा निर्णय घेतला आहे.
विद्यापीठ परिसरात कोणताही विद्यापीठ अथवा महाविद्यालयीन कर्मचारी किंवा अन्य कोणत्याही व्यक्तीस विना हेल्मेट दुचाकी वाहनावर प्रवेश करता येणार नाही.
ज्या व्यक्ती हेल्मेट शिवाय विद्यापीठात येतील त्यांना विद्यापीठाच्या मुख्य प्रवेशद्वाराजवळ तसेच मुलांच्या वसतिगृहाजवळील प्रवेशद्वारा जवळ तौनात असलेल्या सुरक्षा रक्षकांकडून अटकाव केला जाईल. कोणत्याही परिस्थितीत हेल्मेटविना प्रवेशद्वारातून विद्यापीठात प्रवेश दिला जाणार नाही. यासंदर्भात कुलसचिव श्री. भ.भा. पाटील यांनी 18 जून रोजी विद्यापीठातील शिक्षक, शिक्षकेत्तर कर्मचाज्यांसाठी कार्यालयीन सुचना प्रसिध्द केलेली आहे. याशिवाय विद्यापीठाशी संलग्नित महाविद्यालयांच्या प्राचार्यांना देखील कळविण्यात आले आहे.
विद्यापीठ प्रशासनाने अपघाताच्या अप्रिय घटना टाळण्यासाठी व शिक्षक-शिक्षकेत्तर कर्मचाज्यांच्या सुरक्षेसाठी हा पुढाकार घेवून नवे पाऊल टाकले आहे. बुधवारी पहिल्या दिवशी दुचाकीवर येणाज्या सर्वांना हेल्मेट सक्तीची कल्पना देण्यात आली असून उद्यापासून प्रत्यक्ष अंमलबजावणी केली जाणार असल्याची माहिती कुलसचिव श्री. भ.भा. पाटील यांनी दिली.

Leave a Comment

Your email address will not be published. Required fields are marked *

*

error: Content is protected !!