Type to search

Breaking News देश विदेश मुख्य बातम्या

वायु वादळाने वाट बदलली : गुजरात वर धोका मात्र अजुनही कायम

Share

अहमदाबाद  : तीव्र गतीने गुजरातच्या दिशेने झेपावणाऱ्या वायू चक्रीवादळाने आपली दिशा बदलली असून ताशी १३५ ते १४५ कमीच्या वेगाने घोंघावणारे हे चक्रिवादळ गुजरातच्या किनारपट्टीवर न धडकता, समुद्राच्या दिशेने वळले आहे. भारतीय हवामान विभागाने ही दिलासा देणारी माहिती दिली आहे. दरम्यान, चक्रीवादळाच्या तडाख्यापासून संरक्षण व्हावे या दृष्टीने गुजरात सरकारने पूर्वतयारी केली असून, सुमारे ३ लाख लोकांना सुरक्षित स्थळी हलवण्यात आले आहे.

भारतीय हवामान विभागाच्या शास्त्रज्ञ मनोरमा मोहंती यांनी दिलेल्या माहितीनुसार, हे चक्रीवादळ पोरबंदर आणि द्वारका किनाऱ्यापट्टीच्या भागातून माघारी वळणार आहे. चक्रीवादळ माघारी फिरताना गुजरातच्या किनारपट्टी भागात त्याचा परिणाम जाणवणार असून मुसळधार पाऊस आणि वादळी वारे वाहण्याची शक्यता आहे.

३ लाख लोकांना हलवले

गुजरात सरकारने आतापर्यंत ३.१ लाख लोकांना सुरक्षित स्थळी हलवले आहे. सरकारने सुरक्षेच्या दृष्टीने सुमारे ५०० गावांतील लोकांची २०० सुरक्षित ठिकाणांवर राहण्याची व्यवस्था केली आहे. तसेच राष्ट्रीय संकट निवारण दलाच्या (एनडीआरएफ) ५२ तुकड्याही तैनात करण्यात आल्या आहेत.

५८ रेल्वेगाड्या रद्द

केद्र आणि राज्य सरकारने चक्रीवादळाचा संभाव्य धोका लक्षात घेत अनेक सार्वजनिक परिवहन सेवा रद्द केल्या आहेत. याअंतर्गच पश्चिम रेल्वेने गुजराच्या किनारपट्टी भागातून जाणाऱ्या ५० रेल्वेगाड्या रद्द केल्या आहेत. रद्द करण्यात आलेली ही रेल्वे वाहतूक ५ जून नंतरच सुरू होणार आहे. या बरोबरच गुजरात सरकारने किनारपट्टीभागात जाणाऱ्या बससेवाही रद्द केल्या आहेत.

हवाई वाहतुकीवरही परिणाम

बुधवारी रात्रीपासून ते गुरुवारी रात्रीपर्यंत एअरपोर्ट अथॉरिटी ऑफ इंडियाने पोरबंदर, दीव, भावनगर, केशोड आणि कांडला येथील विमान वाहतूक बंद ठेवली आहे.

Leave a Comment

Your email address will not be published. Required fields are marked *

*

error: Content is protected !!