Type to search

जळगाव

सोशल मिडीयाव्दारे वर्गणी जमा करून रूग्णवाहिकेचे लोकार्पण : सावखेड्याच्या तडवी भिल समाजाचा उपक्रम

Share

सावखेडा, ता. रावेर। वार्ताहर :  येथील आदिवासी तडवी भिल समाजाने सोशल मिडीयाव्दारे वर्गणी जमा करून समाजासाठी रूग्णवाहिकेचे लोकापर्ण नुकतेच केले.

आदिवासी तडवी भिल समाज जळगांव जिल्ह्यातील रावेर, यावल,चोपडा या तालुक्यात प्रामुख्याने अधिवासी असुन सातपुडा पर्वतरांगात अति दुर्गम भागात वसला आहे. कबाडकष्ट करीत आपले जीवनगाडा हाकीत उदरनिर्वाह करीत असतांना आरोग्याशी निगडीत समस्या उदभवल्यास त्यांना अत्यंत कठीण परिस्थितीशी झुंज देत लढावे लागते. आरोग्य सुविधा न मिळाल्याने प्रसंगी प्राणही गमवावे लागतात.
हेच खडतर कठीण प्रसंग यातना ध्यानी घेत मुंबई परिसरात नौकरीस असलेल्या तडवी भिल समाजातील नौकरदारांनी ‘समाजसेवक नोकरदार ग्रुप’ नावाचा व्हॉटसअप, फेसबुक समुह सुरू केला.

समाजकार्याची, सेवेची आवड असनार्‍या समाजसेवकांना सहभागी करून घेत एक मिंटींग आयोजित केली. समाजाच्या आरोग्य सेवेत अनेक अडीअडचणी निर्माण होत असतात म्हणून स्वंयमालकीची रूग्णवाहिका घेण्याचे सर्वानुमते ठरविले.

समाजातील नोकरदार, अधिकारी,कर्मचारी,डॉक्टर मजुर वर्ग यांनी स्वेच्छेने 100 रू ते 80,000 रूपयांपर्यंत देणगी जमा केली. लाईफ लाईन अँम्बुलन्स समिती कडे समाजातील दानशुर दाते यांनी 20 लाख रूपये वर्गणी जमा होवुन तडवी समाजाचे स्वप्न साकार झाले. त्यातून समाजाच्या हक्काची रूग्णवाहिका खरेदी केली. या रुग्णवाहिकेचा लोकपर्ण सोहळा रावेर जवळील भोकरी येथील जंगलीपिर बाबा दर्गावर तडवी समाज बांधवाच्या उपस्थितीत करण्यात आले.

तत्पुर्वी डॉ. पायल तडवी यांना श्रद्धांजली वाहण्यात आली.तडवी समाज लाईफ लाईन अँम्बुलन्स ची नियमावली व नियंत्रण देखरेख, संचालक मंडळाची 2 वर्षाकरीता नेमणुक करण्यात आली. समाजासाठी ईंधन खर्चावर ही रूग्णवाहिका उपलब्ध करण्यात येत असल्याचेही यावेळी जाहीर करणयात आले.

कार्यक्रमास 5 ते 6 हजार समाज बांधव उपस्थित होते. या सर्वांसाठी समाज प्रेमी बांधवातर्फे जेवण, पिण्याच्या पाण्याची व्यवस्था करण्यात आली होती. तडवी भिल समाजातील युवा तरूण, वयस्कांसह, महिला वर्ग अथक परिश्रम घेत तडवी भिल समाजाच्या ऐतिहासिक लाईफ लाईन अँम्बुलन्स लोकार्पण सोहळा मोठ्या थाटात पार पाडला .

Leave a Comment

Your email address will not be published. Required fields are marked *

*

error: Content is protected !!