Type to search

Breaking News आवर्जून वाचाच देश विदेश मुख्य बातम्या राजकीय

डॉ. वीरेंद्र कुमार १७ व्या लोकसभेचे हंगामी सभापती

Share

नवी दिल्ली :  टीकमगडहून विजयी झालेले भाजपचे खासदार डॉ. वीरेंद्र कुमार यांची १७ व्या लोकसभेच्या हंगामी सभापतीपदावर नियुक्ती करण्यात आली आहे. नव्याने निवडणून आलेल्या खासदारांना डॉ. वीरेंद्र कुमार शपथ देतील. वीरेंद्र कुमार हे खटीक दलित समाजाचे असून प्रसिद्धीपासून दूर राहणारे नेते अशी त्यांची ख्याती आहे. वीरेंद्र कुमार सागर लोकसभा मतदार संघातून चार वेळा, तर टीकमगड मतदारसंघातून ३ वेळा असे एकूण ७ वेळा लोकसभेवर निवडून गेले आहेत.

पंतप्रधान नरेंद्र मोदींच्या पहिल्या सरकारमध्ये ते अल्पसंख्याक तसेच महिला व बालकल्याण मंत्रालयाचे राज्यमंत्री होते. लोकसभेचे सभापती नियुक्त होण्यापूर्वी नव्याने निवडून आलेल्या खासदारांना शपथ देण्यासाठी हंगामी सभापतींची नियुक्ती केली जाते.

सभागृहातील सर्वात ज्येष्ठ सदस्याला  हंगामी सभापती  बनवले जाते. नव्या सभापतींची नियुक्ती झाल्यानंतर हंगामी सभापतींचे काम समाप्त होते. लहानपणापासूनच आरएसएसशी संलग्न असलेले डॉ. वीरेंद्र कुमार यांची साधे व्यक्तीमत्व अशी ओळख आहे. अनेकदा ते येण्या-जाण्यासाठी लिफ्ट घेतानाही दिसतात.

Leave a Comment

Your email address will not be published. Required fields are marked *

*

error: Content is protected !!