Type to search

maharashtra आवर्जून वाचाच जळगाव मुख्य बातम्या

हतनुर परिसरात पक्षांच्या 32 दुर्मिळ प्रजातींची झाली नोंद

Share

गुणवंत पाटील | खिर्डी, ता.रावेर । दि. 30 । येथुन जवळ असलेल्या हतनूर धरण व परिसरात 32 दुर्मिळ अशा पक्षांच्या प्रजातींची नोंद करण्यात आली आहे. सुमारे 30 पक्षी अभ्यासकांनी हे निरीक्षण केले आहे.

हतनुर व परिसरात महत्वपुर्ण पक्षी जैवविविधता अधिवास क्षेत्र (आय.बी.ए.) हा आंतरराष्ट्रीय दर्जा प्राप्त परिसरात जलाशयाच्या दलदलीमुळे हिवाळ्याच्या दिवसांत पक्षांसाठी विपुल प्रमाणात अन्न उपलब्ध असते. दरवर्षीप्रमाणे हिवाळ्यात युरोप, सैबेरिया, रशिया, मंगोलिया, चीन, उत्तर भारत या भागातून स्थलांतर करुन येणार्‍या पक्षांची संख्या शेकडोंनी दिसुन येत आहे.

चिंचोल येथे आयोजित केलेल्या तीन दिवशीय स्थलांतरीत पक्षीनिरीक्षण शिबिराच्या उद्घाटनप्रसंगी ह भ प सारंगधर महाराज , नरेंद नारखेड़े म.सा.का. फैजपुर, अनिल शेठ, प्रांत अधिकारी भुसावळ श्री.चिंचकर, सरपंच मेहुन राजेंद्र चौधरी व सर्व सहभागी पक्षी मित्र उपस्थित होते. येथे आढळणारे दुर्मिळ पक्षी तसेच राष्ट्रीय पातळीवरील सभा संमेलनांतून येथील पक्षी जीवनाबाबत सादरीकरण केले जाते.

मागील वर्षा प्रमाणे निसर्ग संवर्धन चातक संस्थेने हतनूर धरण परिसरातील यज्ञेश्वर आश्रम चिंचोल या ठिकाणी तीन दिवशीय निवासी शिबिराचे आयोजन करण्यात आले. यात मुंबई, ठाणे, पुणे, गुजरात, नागपुर,जळगाव,वर्धा,ग्वाल्हेर, मध्य प्रदेश येथून 30 पेक्षा जास्त पक्षी अभ्यासकांनी हतनूर धरण परिसर व तांदलवाडी,हतनूर, मानेगांव ,मुक्ताईनगर परिसरात,नदीपात्रात बोटीमध्ये भ्रमंती करुन दुर्बीण व कॅमेरासारख्या विविध उपकरणांच्या साहाय्याने पक्षांचा अभ्यास केला.

हतनूर धरण परिसरात पक्षीअभ्यासकांना पक्षी वैविध्याची माहिती चातक निसर्ग संवर्धन संस्थेचे अध्यक्ष अनिल महाजन यांनी दिली. यात प्रामुख्याने वारकरी, वैष्णव, गढवाल, लालसरी, थापाट्या, शेंडी बदक, नदीसुराय, छोटा शराटी, कृष्ण थिरथिरा, घोंगी, खंड्या,चातक व कलहंस यांसारख्या दुर्मिळ प्रजातीसह या ठिकाणी पक्ष्यांच्या 127 प्रजाती आढळून आल्या. तांदलवाडी जवळील जलपात्रातील बेटावर भ्रमंती वेळी अज्ञातांनी पक्षी पकड़ण्यासाठी लावलेले साधने शोधघेत मोडून काढली.

चातक निसर्ग संवर्धन संस्थेचे अध्यक्ष अनिल महाजन, उपाध्यक्ष शिवाजी जवरे, सचिव उदय चौधरी, लक्ष्मीकांत नेवे, अंकित पाटील, दिनेश पाटील, प्रशांत पाटील, विठ्ठल भरगड़े, राजपालसिंग राजपूत, सत्यपालसिंग राजपूत, विलास महाजन, अतुल चौधरी , सुरेश ठाकुर , संजय पाटील, समीर नेवे आदी सदस्य पक्षीप्रेमी व पक्षीअभ्यासक उपस्थित होते.

शिबिर यशस्वी होण्याकरिता चातक सदस्यांनी अथक परिश्रम घेतलेहतनुर जलशायावरील पक्षांची माहिती होईल
हतनुर जलाशयावरील पक्षी व जैवविवधता यांची माहिती राज्यासह भारतभर होण्यासाठी शिबिर घेण्यात येत असल्याची माहिती चातक निसर्ग संवर्धन संस्थेचे अध्यक्ष व पक्षी निरिक्षक अनिल महाजन यांनी सांगीतले.

[button color=”” size=”” type=”round” target=”” link=””]

हतनुर जलाशावर जैवविवधता

हतनुर जलाशावर जैवविवधेतेची श्रीमंती चातक संस्थेमुळे पहावयास मिळाली. हतनूर जलाशयाला ’रामसर ’दर्जा मिळण्याची गरज आहे. आम्ही ‘ई बर्ड’ वर सुद्धा रामसर दर्जा मिळणे बाबत प्रतिक्रिया नोंदविली आहे.हतनूर जलाशयावर मला अनेक प्रकारच्या पक्ष्यांच्या प्रजाती व दुर्मिळ पक्षी मिळाले. हे ठिकाण पक्षी पर्यटकांनसाठी अतिशय सुंदर आहे निसर्गरम्य ठिकाणी राहुन पक्षी निरीक्षण, भोजन,राहण्याची उत्तम सोय केली चातक टीम चे खुप खुप मनापासून आभार.

विनोद साळवे पक्षी मित्र वर्धा

[/button]

Leave a Comment

Your email address will not be published. Required fields are marked *

*

error: Content is protected !!