Type to search

Breaking News मुख्य बातम्या

पुलवामा येथील लस्सीपोरा चकमकीत ४ दहशवाद्यांना कंठस्नान

Share

श्रीनगर : जम्मू आणि काश्मीरमध्ये पुलवामा येथील लस्सीपोरा येथे झालेल्या चकमकीत ४ दहशवाद्यांना कंठस्नान घालण्यात सुरक्षा दलाच्या जवानांना यश आले आहे. या दहशतवाद्यांकडून ४ एके रायफली जप्त करण्यात आल्या आहेत. या परिसरात सुरक्षा दलाने शोध मोहीम हाती घेतली आहे.

दरम्यान, अनंतनाग जिल्ह्यात ईद साजरी करण्यासाठी घरी आलेल्या प्रादेशिक सेनेच्या जवानाला दहशतवाद्यांनी गोळी मारून हत्या केली\लस्सीपोरा येथील चकमकीबाबत मिळालेल्या माहितीनुसार, गुप्तचर यंत्रणांना मिळालेल्या माहितीच्या आधारे ४४ राष्ट्रीय रायफल्स, जम्मू-काश्मीर पोलिसांचा विशेष कारवाई गट आणि सीआरपीएफच्या जवानांनी पुलवामामधील लस्सीपोरा भागात संयुक्त शोध मोहीम हाती घेतली होती. शोध मोहीम सुरू असतानाच परिसरात लपून बसलेल्या दहशतवाद्यांनी जवानांवर गोळीबार सुरू केला.

शोध मोहीम सुरू

दहशतवाद्यांनी गोळीबार सुरू केल्यानंतर जवानांनी परिसराला वेढा घातला आणि उत्तरादाखल गोळीबार सुरू केला. यात सुरुवातीला तीन दहशतवाद्यांना ठार करण्यात जवानांना यश आले. त्यानंतर काही वेळाने आणखी एक दहशतवादी ठार झाला. परिसरात आणखी काही दहशतवादी लपल्याचा संशय आहे. याच कारणामुळे सुरक्षा दलाने शोध मोहीम हाती घेतली आहे.

जवानाच्या घरात घुसून मारली गोळी

प्रादेशिक सेनेच्या तळावरील जवान मंजूर अहमद बेग याची गुरुवारी हत्या करण्यात आली. बेग ईद साजरी करण्यासाठी घरी आले होते. बेग काही दिवसांपासून लष्कराच्या राष्ट्रीय रायफल्ससोबत काम करत होते. सध्या ते काश्मीर खोऱ्यात तैनात होते. दहशतवाद्यांनी अनंतनाग जिल्ह्यातील सादूरा येथील त्यांच्या घरात घुसून त्यांच्यावर गोळ्या झाडून ते पळून गेले.

Leave a Comment

Your email address will not be published. Required fields are marked *

*

error: Content is protected !!