Type to search

२०१४ च्या तुलनेत यंदा भाजपला कमी जागा : सट्टा बाजाराचा कौल

२०१४ च्या तुलनेत यंदा भाजपला कमी जागा

Breaking News मुख्य बातम्या राजकीय

२०१४ च्या तुलनेत यंदा भाजपला कमी जागा : सट्टा बाजाराचा कौल

Share

नवी दिल्ली :  सट्टा बाजारानेही भाजपलाच कौल दिला आहे. केंद्रात पुन्हा पंतप्रधान नरेंद्र मोदी यांच्या नेतृत्वाखालील भाजपचं सरकार येणार असल्याचं भाकीत सट्टा बाजारानंही वर्तवलं आहे. मात्र २०१४ च्या तुलनेत यंदा भाजपला कमी जागा मिळणार असल्याचा अंदाजही सट्टा बाजारानं वर्तवला आहे.

दरम्यान, भाजपला बहुमत मिळत नसल्याचं चित्रं असतानाही सट्टेबाज सट्टा बाजारावर पैसे लावत आहेत. काँग्रेसच्या नेतृत्वाखालील रालोआला केवळ १५० जागा मिळतील असं मुंबईच्या सट्टेबाजांना वाटतंय. इतर उरलेल्या जागा इतर पक्षांना मिळणार असल्याचा अंदाजही या सट्टेबाजांनी वर्तवला आहे. एवढेच नव्हे तर देशातील व्यावसायिकांनीही पंतप्रधान म्हणून नरेंद्र मोदी यांनाच पसंती दिली आहे.

विशेष म्हणजे सट्टा बाजारात एनडीएच्या पराभवावरही पैसा लावण्यात आलाय. २३ मे रोजी एनडीएचा पराभव झाल्यास नुकसान भरपाई निघून जाईल, असं सट्टा बाजाराला वाटतं. २०१४ मध्ये सट्टेबाजांनी एनडीएच्या विजयावर मोठ्या प्रमाणावर पैसा लावला होता. मात्र, अपेक्षेपेक्षाही अधिक घवघवीत यश एनडीएला मिळाल्यानं सट्टेबाजांना मोठं नुकसान सोसावं लागलं होतं. त्यामुळेच एनडीएच्या पराभवावरही पैसा लावला जात आहे.

गुजरातमध्ये भाजपला २३ जागा मिळतील असा सट्टेबाजांचा अंदाज आहे

उत्तर प्रदेशात ४२ जागा, तर महाराष्ट्रात ३३ जागा मिळण्याचा सट्टेबाजांचा कयास आहे

मध्यप्रदेशात २२ आणि राजस्थानात २१ जागा मिळतील असं सट्टेबाजांना वाटतंय

Leave a Comment

Your email address will not be published. Required fields are marked *

*

error: Content is protected !!