Type to search

जळगाव

मेंढपाळाचा खून करणार्‍या दोघांना जन्मठेपेची शिक्षा

Share

जळगाव । धुळे जिल्हातील साक्री तालुक्यातील भागापूर येथील रहिवासी असलेल्या 22 वर्षीय मेंढपाळाच्या खुनप्रकरणी जळगाव जिल्हा न्यायालयाने दोघांना जन्मठेपेची शिक्षा गुरूवारी सुनावली.

फेबु्रवारी 2013 मध्ये साक्री तालुक्यातील भागपूर येथील मेंढपाळ कुटुंब खाजोळा, तालुका पाचोरा येथे मेंढे चारण्यासाठी आले होते. यावेळी 16 जून 2013 ला वैशाली वानवर व त्यांचा दिर बंडू वानवर हे पाचोरा तालुक्यातील नेरी शिवारात दिवसभर मेंढ्या चारून सायंकाळी गडद नदीच्या काठी असताना आरोपी विजय गिरधर पाटील व नंदु रामराव सुंयर्ंवशी हे यांनी तुम्ही आमच्या शेतात मेंढ्या चारल्या असा आरोप करीत बंडू याला शिविगाळ करून मारहाण केली. बंडू याला धक्का मारून 15 फुट नदीत फेकुन दिल्यामुळे बंडू याचा जागीच मुत्यू झाला होता. याप्रकरणी पाचोरा पोलीस ठाण्यात खुनाचा गुन्हा दाखल करण्यात आला होता.

याप्रकरणी जिल्हा व सत्र न्यायालयात सुरू असलेल्या खटल्यात न्यायाधीश आर.जे .कटारीया यांच्या समोर खटल्याचे कामकाज सुरु होते. या खटल्यात दहा साक्षीदार तपासण्यात आले. साक्षीपुराव्याअंती न्यायालयाने दोन्ही आरोपींना दोषी ठरवित खुनाच्या गुन्ह्याखाली जन्मठेप व पाच हजार रूपये दंडाची शिक्षा सुनावली आहे. याप्रकरणात सहाय्यक सरकारी अभियोक्ता म्हणून अ‍ॅड. सुरेंद्र काबरा व सहाय्यक सरकारी वकिल संभाजी जाधव यांनी काम पाहिले. दरम्यान तब्बल सात वर्षांनंतर या खटल्याचा निकाल लागला आहे. या निकालाकडे पाचोरा तालुकावासियांचे लक्ष लागुन होते.

Tags:

Leave a Comment

Your email address will not be published. Required fields are marked *

*

error: Content is protected !!