Type to search

रेल्वेस्टेशन परिसरात दारुच्या नशेत छर्रर्‍याची बंदूक काढणारा ताब्यात

maharashtra जळगाव

रेल्वेस्टेशन परिसरात दारुच्या नशेत छर्रर्‍याची बंदूक काढणारा ताब्यात

Share
जळगाव । रेल्वेस्थानक परिसरात उपद्रवींचा त्रास दिवसेंदिवस वाढत आहे. बुधवारी गेंदालाल मिल परिसरातील एका तरुणाने क्षुल्लक भांडणातून दारुच्या नशेत छर्रर्‍याची बंदूक काढून परिसरात दहशत निर्माण केली होती. त्यानंतर पोलिसांनी रात्रभर गेंलाल मिल परिसरात कोम्बिंग ऑपरेशन मोहीम राबविली होती. शुक्रवारी सकाळी शहर पोलिसांनी बंदूक काढणार्‍या शेख अक्रम शेख कय्युम वय 26 रा. भारत नगर याला ताब्यात घेतले आहे. त्याच्याजवळ मिळून आलेली बंदूक छर्रर्‍यांची असल्याचे निष्पन्न झाले आहे.

दारुच्या नशेत शेख अक्रम शेख कय्युम याने बुधवारी रात्री रेल्वे स्टेशन परिसरात चौकात रिव्हॉल्व्हर काढून दहशत निर्माण केली होती. याचवेळी परिसरातील नागरिकांनी या घटनेची माहिती डिवाएसपी डॉ. निलाभ रोहन यांना दिल्यानंतर बुधवारी रात्रभर शहर पोलिसांनी गेंदालाल मिल परिसरात कोम्बिंग ऑपरेशन मोहीम राबविली होती. दरम्यान, बंदूक काढणारा संशयित पोलिसांना मिळून आला नव्हता.

दरम्यान, बुधवारी बंदूक काढणारा भारत नगरातील रहिवाशी असल्याची माहिती मिळाल्यानंतर शहर पोलीस स्टेशनचे पोलीस निरीक्षक रविकांत सोनवणे यांच्या मार्गदर्शनाखाली विजयसिंग पाटील, प्रितम पाटील यांनी तपासचक्रे फिरवून शुक्रवारी सकाळी गेंदालाल मिल परिसरातून शेख अक्रम शेख कय्युम रा. भारतनगर याला ताब्यात घेतले. त्याच्याकडून छर्रर्‍याची बंदूक हस्तगत करण्यात आली असून त्याच्याविरुध्द कारवाई करण्याचे काम सुरु होते.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!