दिंडोरी । प्रतिनिधी | Dindori
प्रधान मंत्री किसान सन्मान योजनेअंतर्गत (Pradhan Mantri Kisan Sanman Yojana) अपात्र शेतकर्‍यांनी (farmers) योजनेचा लाभ घेतल्यानंतर या लाभार्थ्यांनी घेतलेली लाभाची रक्कम परत करावी, असे आवाहन दिंडोरीचे तहसीलदार पंकज पवार (Dindori Tehsildar Pankaj Pawar) यांनी केले असून शेतकर्‍याच्या उतार्यावर बोजा चढवण्याचा इशारा दिला आहे.
दिंडोरी तालुक्यामध्ये (dindori taluka) प्रधानमंत्री किसान सन्मान योजनेसाठी अपात्र असतांना संबंधित शेतकऱ्यानी ऑनलाईन माहिती (Online information) चुकीची भरल्यामुळे शासनाने इनकम टॅक्स (Income tax) भरणारे एकुण 812 लाभार्थी व इतर कारणांनी अपात्र ठरलेले एकुण 186 लाभार्थी अपात्र ठरविले आहे. सदर सर्व अपात्र लाभार्थ्यांना तहसील कार्यालय दिंडोरी यांच्या मार्फत नोटीस (notice) देण्यात आल्या आहे.
परंतू इनकम टॅक्स भरणारे 812 अपात्र खातेदारांपैकी 778 व इतर कारणांनी अपात्र ठरलेल्या 186 पैकी 165 लाभार्थ्यांनी शासनास रक्कम परत केली आहे. शासनाकडून उर्वरीत लाभार्थ्यांचे प्रलंबित रक्कमेबाबत विचारणा होत असल्याने उर्वरीत सर्व अपात्र खातेदार यांचे 7 / 12 उतार्यावर बोजा दाखल करण्याची कार्यवाही सुरु करण्यात येत आहे.
तरी दिंडोरी तालुक्यातील सर्व संबंधित तलाठी कार्यालयात तसेच तहसील कार्यालयात अपात्र लाभार्थ्यांची यादी उपलब्ध असुन आपण तहसील कार्यालय दिंडोरी येथे येवून आपलेकडे प्रलंबित असलेली योजनींची रक्कम शासनास भरणा करावी, अन्यथा पुढील सात दिवसात 7 / 12 उतार्यावर बोजा चढविण्याची कार्यवाही सुरु करण्यात येईल, याची नोंद घ्यावी, असे आवाहन दिंडोरीचे तहसीलदार पंकज पवार यांनी केले आहे.
