Type to search

Breaking News Featured नाशिक मुख्य बातम्या

Video : नाशिक शहरासह जिल्ह्यात मुसळधार पावसाची हजेरी; रस्ते पाण्याखाली

Share

नाशिक | प्रतिनिधी

नाशिक शहर व जिल्ह्याला दुपारपासून मुसळधार पावसाने झोडपून काढल्याने जनजीवन विस्कळीत झाले आहे. नाशिकरोड परिसर, सातपूर आणि नवीन नाशिक परिसरात पावसात रस्त्यांना नाल्यांचे स्वरूप प्राप्त झाले होते. नेहमीप्रमाणे पावसाच्या आगमनानंतर विजेची बत्ती गेल्या काही वेळेपासून गुल झाली आहे.

शहरातील गंगा-गोदावरी मंदिरासह गोदापात्रानजीक अनेक नाशिककरांनी पावसाचा सायंकाळी आनंद घेण्यासाठी गर्दी केली होती. शहरात ठिकठिकाणी पाणी साचल्याने रस्त्यांचे तळे झाले होते.

गेल्या काही दिवसांपासून नाशिक शहरात पावसाची रिपरिप सुरु होती तर काही ठिकाणी पावसाच्या आगमनाची प्रतीक्षाच होती. आज संपूर्ण जिल्ह्यातच पावसाचे आगमन झाल्यामुळे दिलासा मिळाला आहे.

नाशिकरोड परिसरात वीर सावरकर उड्डाण पुलाच्या खाली तळ्याचे स्वरूप प्राप्त झाले होते. मुंबईत झालेल्या पावसासारखाच थरारक अनुभव आज नाशिकच्या काही परिसरात दिसून आला.


पाऊस आला, वीज गेली

दमदार पावसाचे आगमन झाल्यानंतर नेहमीप्रमाणे नाशिक शहरासह ग्रामीण भागात काही ठिकाणी विजेची बत्ती गुल झाली होती. यामुळे  स्मार्ट नाशिकच्या नागरिकांनी सोशल मीडियातून महावितरणवर पुन्हा एकदा निशाणा साधला.


येवलेकर सुखावले

येवल्याच्या पूर्व भागातील अंदरसुल परिसरात आज दुपारी सलग दुसऱ्या दिवशी पावसाने दमदार हजेरी लावल्याने शेतकरी समाधानी झाला आहे. गेल्या आठ दिवसापासून दडी मारलेल्या पावसाने दोन दिवसापासून हजेरी लावल्याने शेती कामांना वेग आला आहे.

आतापर्यंत या पूर्व भागात पावसाने दांडी मारल्याने शेतीची कामे खोळंबली होती, पण कालपासून पावसाने दमदार हजेरी लावण्यास सुरुवात केल्याने बळीराजा मका लागवड कपाशी बाजरी मुग पेरण्या आता सुरुवात होईल.

पूर्व भागात झाल्याने शेतकरी मोठ्या आशेने वरुण राजाची वाट बघत होता. पण दोन दिवसाच्या पावसाने शेतकऱ्यांच्या आशा पल्लवित झाल्या आहेत.


मनमाडमध्ये तिसऱ्या तिसऱ्या दिवसाच्या विश्रांतीनंतर पुन्हा एकदा मुसळधार पावसाला सुरुवात झाली आहे. आजच्या पावसामुळे शेतकरी वर्गात समाधान व्यक्त केले जात आहे.


नवीन नाशिकमध्ये उत्तम नगर बुद्ध विहार समोर पाणी साचल्याने वाहनधारकांची तारांबळ उडाली.


 

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!