नगर : शहरात ख्रिसमस साजरा
Featured

नगर : शहरात ख्रिसमस साजरा

Sarvmat Digital

अहमदनगर (प्रतिनिधी) – शहरातील विविध चर्चमध्ये ख्रीसमस उत्साहात साजरा करण्यात आला. सकाळपासून प्रार्थना, सांस्कृतिक कार्यक्रम, संदेश देणे आदी कार्यक्रम घेण्यात आले.

शहरातील विविध चर्चमध्ये ख्रिसमस निमित्त सुशोभीकरण करण्यात आले होते. विद्युत रोषणाईने चर्चच्या इमारती सजल्या होत्या. शहरात चांदणीच्या आकाराचे आकाशदिवे लावण्यात आले होते. मंगळवारी रात्री बारा वाजता नाताळ सुरू होताच शहरात ठिकठिकाणी फटाक्यांची आतषबाजी करण्यात आली. ख्रिश्चन बांधवांच्या घरोघरी आणि सकाळपासून चर्चमध्ये शुभेच्छा देण्यासाठी नागरिकांनी गर्दी केली. विविध पक्षाच्या नेत्यांनी चर्चला भेटी देऊन ख्रिश्चन बांधवांना शुभेच्छा दिल्या.

विविध चर्चमध्ये सकाळी प्रार्थना, धर्मगुरूंचे संदेश हे कार्यक्रम झाले. यासाठी ख्रिश्चन बांधवांनी मोठी गर्दी केली होती. यामध्ये तरुणांचा व महिलांचा समावेश मोठा होता. दिवसभर शहराच्या मध्यभागात, सावेडी उपनगरात नाताळ उत्साहात साजरा झाला.

Deshdoot
www.deshdoot.com