Featured

चोपडा : दोन तरुण डोहात बुडाले

Balvant Gaikwad

Balvant Gaikwad

येथील दोन तरुण डोहात बुडाल्याची घटना घडली .डोहात बेपता दोघे तरुणांचे उशिरा शोध कार्य सुरु होते.
याबाबत सविस्तर वृत्त असे की वर्डी येथील तीन तरुण चोपडा येथून कपडे खरेदी व बाजार करुन घरी येत असताना सांयकाळी सहा ते साडे सहा वाजे दरम्यान वडती फाटा व खरद फाटा मधील गुळ नदीच्या पुला खालील डोहात पोहण्यासाठी उतरले असता पाय घसरुन दिलीप केशव ढिवरे वय22 व सिध्दार्थ शिवाजी वय 21 हे तरुण बुडाल्याची घटना घडली तर त्यांच्या सोबत असलेला विनोद प्रकाश कांबळे हा तरुण पोहण्यास न उतरल्याने बचावला व सदर घटनेची माहीती दिल्यावर सदर घटना समोर आली.

रुखणखेडाचे पोलीस पाटील अंकुश भिल्ल यांचा खबरी वरुन अडावद पोलीस स्टेशनाचे पी एस आय योगेश तांदळे,ए पी.आय प्रकाश भदणे, चोपडा पोलीस स्टेशन चे मनोज पवार सही पोलिस दाखल झाले .

बुडालेल्या तरुणांचा उशिरा पर्यंत शोध कार्य सुरु होते. पाण्याचा प्रवाह व अंधारामुळे शोध कार्य थांबविण्यात आले. घटना स्थळी उप पोलीस अधिकारी (डि वाय एसपी )सौरभ कुमार अग्रवाल यांनी देखील भेट देवुन घटनेची माहीती घेतली .

पाण्याचा प्रवाह व अंधारामुळे शोध कार्य थांबविले

दोन दिवसापासुन गुळ प्रकल्प धरणातुन गुळ नदीत (पाण्याचे आवर्तन ) पाणी सोडण्यात आलेले असल्याने पाण्याचा प्रवाह जोरात होता व अंधारामुळे बुडालेल्या तरूणांच्या  शोध कार्या अडचण येत असल्याने, शोध मोहीम थांबविण्यात आली. गुळ प्रकल्प वरील पाणी सोडण्याचे बंद करण्याचे आदेश देण्यात आला व सकाळी बुडालेले तरुणांचा शोध घेण्यात येईल असे सांगण्यात आले.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com