दिवाळीचा किती गं हा मोठा थाट?

दिवाळीचा किती गं हा मोठा थाट?
Diwali NashikDiwali Nashik

दिवाळीच्या निमित्ताने लावले

गेले कंदील खास

प्रकाशाच्या उजेडाने

शोभून दिसे घर हमखास

अंगणार दिसे सडा,रांगोळी गं बाई

लाडू चकली करंजी बनवते का गं आई ?

नवनवीन कपड्यांनी सजले सारेजण

फटाक्याच्या प्रकाशाने खुलले लहानग्यांचे मन

लक्ष्मीच्या आगमनाने पुजले सारे धन

बहिण भावाच्या नात्याने उजळले हे क्षण

चंदन उटण्यांच्या सुगंधाने आली ती पहाट

तरीही जाहीरातीत बघते मी मोती साबणाची वाट

दिवाळीच्या सणाला

मामांकडे घेतले कपडे नवेनवे

अंगण खुलून दिसण्यासाठी

लावले किती सारे असंख्य ते दिवे

आईने सजवलं

सूंदर फराळाचं ताट

पण काम आवरून वाटत

दिवाळीचा किती गं हा मोठा थाट ?

शुभेच्छांच्या वर्षावासाठी किती सारे फोन msg हे आले

आनंदाच्या वातावरणाने मन हे प्रसन्न झाले

श्वेता खोडे, नाशिक

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com