विज्ञान

विज्ञान

वैष्णवी धर्मराज कदम

मेंडलच्या गृहितकांनी आम्हाला

वारसाहक्काची जाणीव करून दिली ॥

एडिसनच्या बल्ब मध्ये

आमची स्वप्नं उजळू लागली ॥

एकविसाव्या शतकातील आम्ही

आता विज्ञानाची कास धरली ॥1॥

न्यूटन आमचा देव झाला

गती त्याने आयुष्याला दिली ॥

ग्राहम बेलच्या फोन ने

आम्हां मनाची अंतरे दूर केली ॥

एकविसाव्या शतकातील आम्ही

आता विज्ञानाची कास धरली ॥2॥

मिसाईल मॅन ने

उडण्या पंख आम्हां दिली ॥

अशुभ शनि, वक्र नजर मंगळची

आता यांची बाधा टळली ॥

एकविसाव्या शतकातील आम्ही

आता विज्ञानाची कास धरली ॥3॥

बैबेजने आम्हां...

जग संगणकाचे दाखवले ॥

इन वन टच मध्ये लॅरी पेज ने,

जग हातात आणून दिले ॥

एकविसाव्या शतकातील आम्ही

आता विज्ञानाची कास धरली ॥4॥

विज्ञान प्रगतीचे साधन आहे

ही गोष्ट मनास पटली ॥

अंधश्रद्धेचे बांधून गाठोडे,

आम्ही मनातून फेकली ॥

एकविसाव्या शतकातील आम्ही

आता विज्ञानाची कास धरली ॥5॥

कु. वैष्णवी धर्मराज कदम

खारीपाडा ता.देवळा जि.नाशिक

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com