Type to search

धुळे नंदुरबार

धुळे जिल्ह्यात साडेनऊ वाजेपर्यंत 8.11 टक्के मतदान

Share

धुळे-  प्रतिनिधी

धुळे जिल्हा परिषदेच्या  गट व गणांसाठी आज  सकाळी साडेसात वाजेपासून मतदान सुरू झाले. सकाळपासूनच मतदान केंद्रावर मतदारांच्या रांगा लागलेल्या आहेत. दरम्यान सकाळी साडेनऊ वाजेपर्यंत जिल्ह्यात 8.11  टक्के मतदान झाले आहे. जिल्हा परिषदेच्या ५६ गट व ११२ गणांसाठी निवडणूक जाहीर झाली होती. माघारीच्या शेवटच्या दिवसापर्यंत शिरपूर तालुक्यातील वाघाडी, कोडीद, पळासनेर, रोहिणी व धुळे तालुक्यातील लामकानी हे गट बिनविरोध झाले. तर वाघाडी,वाडी (ता.शिरपूर) व धाडणे (ता.साक्री) हे तीन गण यापूर्वीच बिनविरोध झालेले आहेत. त्यामुळे आता ५१ गट व १०९ गणासाठी मतदान होत आहे.गटासाठी १६४ व गणात ३२९ उमेदवार निवडणूक रिंगणात आहे. थंडीतही सकाळी मतदान केंद्रांवर मतदारांच्या रांगा दिसून आल्या.  तर नंदुरबार जिल्हा परिषद निवडणुकीत सकाळी साडे नऊ पर्यंत 9.28 टक्के मतदान झाले.

Tags:

Leave a Comment

error: Content is protected !!