Type to search

धुळे

महात्मा गांधींचे विचार, आचरण काळाची गरज

Share

धुळे । संपूर्ण जगात आज गांधीजींच्या विचारांचे चिंतन आणि आचारण मोठ्या प्रमाणात होत आहे. जगाच्या विकासासाठी तसेच माणसाच्या मन शांततेसाठी लागणार्‍या बाह्य स्वच्छतेबरोबरच आंतरिक स्वच्छता साधण्यासाठी महात्मा गांधी विचार आचरण काळाची गरज आहे असे प्रतिपादन डॉ.दिलीप पाटील यांनी केले.

शहरातील जयहिंद शैक्षणिक संस्था संचलित झेड.बी.पाटील महाविद्यालयात राष्ट्रपिता महात्मा गांधीजींच्या 150 व्या जयंतीचे औचित्य साधून राष्ट्रपिता महात्मा गांधी एक स्वच्छता दूत या विषयावर वक्तृत्व स्पर्धेचे आयोजन करण्यात आले होते. या वक्तृत्व स्पर्धेचे उद्घाटन प्राचार्य डॉ.पी.एच.पवार व जयहिंद शैक्षणिक संस्थेच्या संचलिका डॉ.नीलिमा पाटील यांच्या हस्ते झाले. राष्ट्रपिता महात्मा गांधी व माजी पंतप्रधान स्व.लालबहादूर शास्त्री यांच्या प्रतिमेचे पूजन व दीपप्रज्वलन करुन करण्यात आले. दिवसभरात गांधीजींच्या विचारांचा जागर करीत विद्यार्थ्यांनी आपल्या अनोख्या शैलीतून गांधीजींचे विचार मांडण्याचा प्रयत्न केला. या स्पर्धेचे पारितोषिक वितरण डॉ.दिलीप पाटील यांच्या हस्ते करण्यात आले त्यावेळी ते बोलत होते. कार्यक्रमाच्या अध्यक्षस्थानी जयहिंद शैक्षणिक संस्थेचे चेअरमन डॉ.अरुण साळुंके हे होते. याप्रसंगी व्यासपीठावर संस्थेचे व्हाईस चेअरमन प्रमोद पाटील, महाविद्यालय विकास समिती चेअरमन प्रा.सुधीर पाटील, प्राचार्य डॉ.पी.एच.पवार आदी मान्यवर उपस्थित होते.

डॉ.दिलीप पाटील पुढे म्हणाले की गांधी नावाचा महात्मा फार कमी लोकांना कळला आहे. महात्मा गांधींनी अखंड मानव समाजाच्या कल्याणासाठी सत्य व अहिंसेचा बहुमोल संदेश दिला आहे. गांधी विचार ही एक जीवन पध्दती असून तो कृतीतून जगता आला पाहिजे म्हणून सत्याची कास धरणे गरजेचे आहे. त्यासाठी सत्याचे प्रयोग हे गांधीजींचे आत्मचरित्र एक मार्गदर्शक असा ग्रंथ आहे. प्रत्येक माणसाने गांधी विचार जीवनात आचरण केल्यास समाजात शांतता नांदेल. माणसाने कुणावरही अन्याय न करता नैतिक मार्गाने पैसा व संपत्ती कमवली पाहिजे. दुसर्‍याचे मन दुखावले जाईल अशा स्वरुपाचे बोलणे देखील एक प्रकारची हिंसाच आहे. परिणामी अशी हिंसा देखील टाळणे गरजेचे असल्याचे त्यांनी सांगीतले. गांधीजींच्या सत्य आणि अहिंसा या मूल्यांना प्रत्येकाने आपल्या जीवनात आचरणात आणण्याची गरज असल्याचे त्यांनी सांगितले.

यावेळी परीक्षक रमेश दाणे म्हणाले की गांधीजींनी सत्यालाच ईश्वर मानले होते. आज जगाने देखील गांधीजींच्या शांती आणि अहिंसेच्या विचारांचे पाईक होत त्यांच्या पदपथावर चालण्यास सुरूवात केली आहे.आंतरिक स्वच्छतेसाठी समाजात सर्व स्तरावर प्रामाणिकपणे व्यवहार करणे आवश्यक असल्याचे सांगितले.

डॉ.अरुण साळुंके म्हणाले की, महात्मा गांधींनी आपल्या विचार आणि लिखाणाव्दारे पारतंत्र्यात असलेल्या भारतीय समाजात प्रेरणा निर्माण करीत सामान्य माणसाच्या मनात स्वातंत्र्याची ज्योत प्रज्वलीत करीत स्वातंत्र्याचा लढ्यात सामान्य स्त्री-पुरुषांना सहभागी करुन निशस्त्र लढ्यातून एक अनोखी क्रांती गांधीजींनी केली. त्यामुळे इंग्रजांना आपला देश सोडून जावे लागले. म्हणूनच आज जगात महात्मा गांधीजींच्या विचारांचा जागर होत आहे. असे त्यांनी सांगितले.

स्पर्धेत यांनी मिळविले यश- सांघिक पारितोषिक-जयहिंद शैक्षणिक संस्था धुळे संचालित झेड.बी पाटील महाविद्यालयाने पटकावले.

वैयक्तीक पारितोषिक- प्रथम- नमिता पाटील आर.सी.पटेल इंस्टीट्यूट ऑफ टेक्नॉलॉजी शिरपूर. व्दितीय- लीना पाटील, वसंतराव नाईक महाविद्यालय शहादा. तृतीय- सुयश ठाकूर, डॉ.बाबासाहेब आंबेडकर लॉ कॉलेज धुळे. चतुर्थ- लोकेश यशीराव झेड.बी. पाटील महाविद्यालय धुळे.
उत्तेजनार्थ-धर्मेश हिरे, विद्यावर्धीनी महाविद्यालय धुळे. हर्षा चव्हाण, झेड.बी.पाटील महाविद्यालय धुळे यांना देण्यात आले. या स्पर्धेचे परीक्षणरमेश दाणे, प्रा.डॉ.मृदुला वर्मा, प्रा.डॉ. वर्षा पाटील यांनी केले.

याप्रसंगी संस्थेच्या संचालिका प्रा.डॉ. निलीमा पाटील, उपप्राचार्या डॉ.विद्या पाटील, उपप्राचार्या प्रा.अनिता पाटील, उपप्राचार्य प्रा.व्ही.एस. पवार, माजी उपप्राचार्या डॉ.शशीकला पवार, माजी मराठी विभाग प्रमुख प्रा.उषा पाटील, उपस्थित होते.

कार्यक्रमाचे प्रास्ताविक प्राचार्य डॉ.पी.एच.पवार यांनी तर सूत्रसंचालन प्रा.भाग्यश्री पाटील यांनी केले. आभार वक्तृत्व व वादविवाद मंडळ संयोजक प्रा.पंडित गायकवाड यांनी मानले. स्पर्धेच्या यशस्वीतेसाठ प्रा.समीर शहा, प्रा.मनीषा पाटील, प्रा.कविता भडागे, प्रा.मिनाक्षी वाजपेयी, प्रा.डॉ.मोरेश्वर नेरकर, प्रा.संगीता जगदाळे, प्रा.मनोज बच्छाव, प्रा.आश्विनी जोशी, श्रीदगा बोरसे, अशोक बागूल यांनी परिश्रम घेतले.

Tags:

You Might also Like

Leave a Comment

error: Content is protected !!