Type to search

धुळे राजकीय

विकासाच्या घोडदौडसाठी भाजपात प्रवेश

Share

शिरपूर । गेल्या पाच वर्षात भरपूर विकास कामे केली. पण सत्ता नसतांना शिरपूर तालुक्याचा विकास अपेक्षेप्रमाणे झाला नाही. म्हणून तालुक्याच्या विकासासाठी भाजपमध्ये प्रवेश केला. विकासाची घोडदौड कायम राहण्यासाठी प्रवेश केला. गेल्या 35 वर्षात अनेक विकासाची कामे केली, साधा उमेदवार निवडून द्यावा. महाराष्ट्रात आदर्श कामे केली. 216 बंधारे बांधून तालुक्यात पाण्याचे काम केले. शासनाच्या मदतीने यापुढे 250 ते 500 बंधारे पूर्ण करायचे आहेत. अशी माहिती माजी मंत्री अमरिशभाई पटेल यांनी दिली.

तालुक्यातील रोहिणी येथे दि. 14 ऑक्टोबर रोजी भाजप, शिवसेना, आरपीआय, महायुतीचे उमेदवार काशिराम पावरा यांच्या प्रचारार्थ जाहीर सभा घेण्यात आली. त्यावेळी अमरिशभाई पटेल हे बोलत होते.

यावेळी व्यासपीठावर भाजप तालुकाध्यक्ष राहुल रंधे, शहराध्यक्ष हेमंत पाटील, उद्योगपती तपनभाई पटेल, गयास खाटीक, डॉ.मनोज महाजन, चंद्रकांत पाटील, जयवंत पाडवी, विक्की चौधरी, देवेंद्र पाटील, दत्तू पाडवी, रविंद्र कोळी, प्रेमचंद राठोड, प्रकाश पावरा, गिलदार पावरा, सखाराम पावरा, जि प सदस्य, पं स सदस्य, सरपंच डॉ. आनंद पावरा, बनू बंजारा व अनेक मान्यवर उपस्थित होते.

पुढे बोलतांना पटेल म्हणाले की, अधिकारी, मोठ्या हुद्यावर तालुक्याची मुले जाण्यासाठी आपण प्रयत्नशील आहेत. सर्वांचे जीवनमान उंचावण्यासाठी जीव ओतून काम सुरु केली. 350 बेडचे अद्ययावत हॉस्पिटलचे भूमीपूजन मुख्यमंत्री देवेंद्र फडणवीस यांच्या हस्ते लवकरच सुरू होणार आहे. सर्वसामान्य जनतेला सुखसोयी पुरविणार, सर्वांच्या समस्या सोडविणार. जास्तीत जास्त मतांनी काशिराम पावरा यांना निवडून द्या असे आवाहन अमरिशभाई पटेल यांनी केले.

सर्वसामान्य उमेदवार मी आहे असे काशिराम पावरा यांनी सांगितले.
राहुल रंधे म्हणाले की, उज्ज्वला योजना अंतर्गत गॅस शेगडी वाटप, शिलाई मशीन, ठक्कर बाप्पा योजना अंतर्गत अनेक योजना लाभ दिला, काही समस्या मार्गी लावण्यासाठी प्रयत्न व्हावेत असे त्यांनी सांगितले. सूत्र संचालन जयवंत पाडवी यांनी केले. यावेळी हेमंत पाटील यांनीही मनोगत व्यक्त केले.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!