Type to search

धुळे

जातीयवादी पोष्ट टाकणार्‍यांवर सायबर सेलची करडी नजर

Share

दोंडाईचा । विधानसभेच्या निवडणुकीच्या निमित्ताने काही राजकीय व्यक्ती जातीयवादी पोष्ट तयार करून ती फेसबुक आणि व्हाटसअप वर शेअर करीत असल्याची तक्रार शिंदखेडा विधानसभा मतदारसंघातून पोलिसांकडे केली असून ज्यांनी ही पोष्ट टाकली ते फेक अकाऊंट असल्याचे प्रथमदर्शनी पोलिसांच्या तपासातून निष्पन्न झाले आहे, ज्या व्यक्तीने जातीयवादी पोष्ट शेअर केली त्याला लवकरच अटक करण्यात येणार असल्याची पोलिस सुत्रांनी सांगितले.

निवडणुकीत मते मिळविण्यासाठी विविध राजकिय पक्षाकडून जातीयवादी पोष्ट टाकण्यात येतात, त्यामुळे विशिष्ट समाजाच्या भावना दुखावल्या जावून त्याव्दारे मोठा वाद देखील निर्माण होण्याच्या घटना घडल्या आहेत, त्या पार्श्वभूमीवर निवडणुक आयोगाने देखील त्याबाबत तशा सूचना यंत्रणेला दिल्या आहेत. दोन दिवसांपूर्वी एका फेसबुकच्या खात्यावरून जातीयवादी पोष्ट तयार करून काही लोकांनी तिला शेअर करून गैरहेतूने दोन समाजात वाद निर्माण होतील अशी भाषाशैली वापरण्यात आली आहे, त्यामुळे त्याची तक्रार पोलिसांकडे आल्यानंतर पोलिसांनी देखील त्याची चौकशी सुरू करून त्या आरोपीचा शोध घेण्यास सुरवात केली आहे. प्रथमदर्शनी ते फेसबुकचे खाते फेक असल्याचे निष्पन्न झाल्यानंतर ज्या नंबरवरून ते तयार करण्यात आले त्याला शोधण्याचे काम सध्या सुरू आहे. त्यामुळे समाजात किंवा गटात वाद होतील अशा पोष्ट सोशल मिडीया न करण्याचे आवाहन पोलिसांच्या माध्यमातून करण्यात आले आहे.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!