Type to search

आचारसंहितेचा भंग, पेट्रोलपंप व्यवस्थापकाविरुध्द गुन्हा

maharashtra धुळे

आचारसंहितेचा भंग, पेट्रोलपंप व्यवस्थापकाविरुध्द गुन्हा

Share
धुळे । लोकसभा निवडणुक आचारसंहितेच भंग केल्याप्रकरणी अजनाड (ता. शिरपूर) येथील एका पेट्रोलपंप व्यवस्थापकाविरूध्द थाळनेर पोलिसात गुन्हा दाखल करण्यात आला आहे. दरम्यान, जिल्ह्यात आचारसंहिता भंगाचा पहिलाच गुन्हा दाखल झाला आहे.

शिरपूर पंचायत समितीचे विस्तार अधिकारी तथा भरारी पथकाचे प्रमुख योगेशकुमार शांताराम पाटील यांनी पोलिसात फिर्याद दिली आहे. त्यानुसार दि. 22 मार्च रोजी अंकलेश्वर- बर्‍हाणपुर महामार्गावरील अजनाड शिवारातील इंडीयन ऑईल पेट्रोल पंपावर उज्वला योजनेचा पंतप्रधान मोदी यांचे छायाचित्र असलेला 40 बाय 10 आकाराचा मोठा बॅनर लावला असून आचारसंहिता लागू झालेली असतांना देखील बॅनर काढले नाही. व आचारसंहितेच भंग केला. तसेच परवानगीशिवाय पेट्रोलपंपावर राजकीय पक्षाचे बॅनर लावले म्हणून सारजाई ऑटोमोबाईल पेट्रोल पंपाचे व्यवस्थापक प्रल्हाद केशव खानकरी यांच्याविरूध्द थाळनेर पोलिस ठाण्यात गुन्हा दाखल करण्यात आला आहे.

देशभरात लोकसभेच्या निवडणुकीची आचारसंहिता लागू झाल्याने प्रत्येक ठिकाणी त्याचे पालन करणे बंधनकारक असताना पेट्रोलपंप व्यवस्थापनाच्या निष्काळजीपणामुळे हा प्रकार घडल्याचे समोर आले आहे.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!