Type to search

धुळे

धुळे क्रीडा संकुलात राष्ट्रीय छात्र सेनेच्या वार्षिक प्रशिक्षण शिबिराला प्रारंभ

Share

धुळे । प्रतिनिधी :  राष्ट्रीय छात्र सेनेच्या वार्षिक प्रशिक्षण शिबीरास दि.20 जुनपासुन धुळे जिल्हा क्रीडा संकुल येथे प्रारंभ झाला, सदर शिबीरात धुळे जिल्ह्यातील चारशे छात्रसैनिक प्रवेशित आहेत. 48 महाराष्ट्र बटालियनचे कमांडिंग ऑफिसर कर्नल राजेंद्र सिंह यांच्या मार्गदर्शनाखाली सदर प्रशिक्षण शिबिर संपन्न होत आहे.

या प्रशिक्षण शिबिरात कवायत, शस्त्र कवायत, नेमबाजी, मानचित्र अध्ययन व सामान्य ज्ञान आदींचे प्रशिक्षण देण्यात येणार आहे. प्रजासत्ताक दिनाच्या दिल्ली येथील परेडची व स्थल सेना शिबिरासाठी छात्रसैनिकांची निवड यात होणार आहे. याखेरीज रक्तदान शिबिराचे आयोजन, स्वच्छता अभियान, बेटी बचाव बेटी पढाव, धुम्रपानविरोधी अभियान, एड्स जनजागृती आदी सामाजिक विषयांवर व्याख्याने, रॅली आणि मार्गदर्शन आयोजित करण्यात येणार आहे.

या शिबिरात आपत्कालीन परिस्थितीत प्रथम उपचार, बँकिंग क्षेत्रातील बचतीचा फायदा, व्यक्तिमत्त्व विकास, पोस्टल सेवेचे कार्यपद्धती, फायर ब्रिगेडचे कार्य, ट्रॅफिक पोलिसांचे कार्य आदी विषयांवर व्याख्यानांचे आयोजन करण्यात आलेली आहेत.

शिबिराच्या यशस्वितेसाठी डेप्टी कॅम्प कमांडर कॅप्टन के.एम. बोरसे, लेफ्टनंट सुनील पाटील, फर्स्ट ऑफिसर अनुराधा बोरसे, फर्स्ट ऑफिसर आर.पी. सुर्यवंशी, थर्ड ऑफिसर राहुलसिंग राजपूत, थर्ड ऑफिसर संदीप नांद्रे, सुभेदार मेजर गुरमित सिंग आदि परिश्रम घेत आहेत.

Leave a Comment

Your email address will not be published. Required fields are marked *

*

error: Content is protected !!