Type to search

Breaking News धुळे मुख्य बातम्या

# Video # जळगाव घरकुल घोटाळ्याची 7 जूनला सुनावणीसह निकालाची शक्यता

Share

धुळे । प्रतिनिधी : राज्यभर गाजलेल्या जळगाव नगरपालिका घरकुल घोटाळ्याच्या सुनावणीसाठी न्यायालयाने 7 जून ही तारीख दिली आहे. दरम्यान या दिवशी या खटल्याचा निकाल लागण्याचीही शक्यता सरकारी वकिलांनी व्यक्त केली आहे.

आज दि. 21 मे रोजी धुळे न्यायालयात जळगाव घरकुल घोटाळ्याची सुनावणी होती. आजच्या सुनावणीस जवळपास 5  आरोपी गैरहजर होते. त्याची न्यायालयाने गंभीर दखल घेतली आहे. येत्या 7 जून रोजी घोटाळ्यातील सर्व आरोपींना न्यायालयात हजर करण्याबाबची सक्त ताकिद आरोपींच्या वकिलांना देण्यात आली आहे. धुळे जिल्हा न्यायालयात जिल्हा न्यायाधीश न्यायमुर्ती सृष्टी निळकंठ यांच्यासमोर हा खटला सुरू आहे.

गैरहजर आरोपींना नॉन बेलेबल वॉरंट काढण्याची विनंतीही सरकारी पक्षातर्फे करण्यात आली आहे.

संशयीत आरोपी जाणीव पूर्वक गैरहजर राहण्याची खेळी असल्याची शक्यताही सरकारी वकिलांनी माध्यमांशी बोलतांना व्यक्त केली. दरम्यान 7 जुनला निकाल लागण्याची शक्यताही त्यांनी व्यक्त केली आहे.

न्यायालयाची निकाल देण्याची तयारी अपूर्ण : संशयीत आरोपींच्या वकिलांचे मत

दरम्यान संशयीत आरोपीतांच्या वकिलांशी संपर्क साधला असता न्यायालयाची निकालाची तयारी पूर्ण झालेली नाही. त्यामुळे न्यायालयाने आज निकाल दिलेला नाही. त्यासाठी 7 जुन ही तारीख दिलीआहे.

काही पक्षकार माझे आहेत. त्यातील काही पक्षकार हे मुंबईला उपचार घेत आहेत. तर एकाला पक्षाघात झालेला आहे. त्यांचे मेडीकल सर्टिफिकेटस मागवीलेले आहेत. ते न्यायालयात सादर केले जातील. निकाल लांबणीवर टाकावा असा कोणीही प्रयत्न केलेला नसल्याचे आरोपीतांच्या वकिलांनी सांगीतले.

Leave a Comment

Your email address will not be published. Required fields are marked *

*

error: Content is protected !!