Type to search

‘जामखेली’तून आवर्तन

पिण्याच्या पाण्यासह गुरांच्या पाण्याचा प्रश्न सुटला

धुळे

‘जामखेली’तून आवर्तन

Share

सामोडे । वार्ताहर :  संपूर्ण खान्देशात साक्री तालुक्यातील सामोडे सह पश्चिम पट्टा 15 ते 17 वर्षांपूर्वी थंड हवेचे ठिकाण मानले जात होते आणि बारमाही खळखळ वाहणारी जाम खेली नदी काही दिवसापासून कोरडी ठणठणीत झाली होती. गावातील गुरांना व मेंढपाळांना पाण्यासाठी भटकंती करावी लागत असल्याचे ‘देशदूत’ने दि.18 मे रोजी प्रसिद्ध केले होते. ‘देशदूत’ची दखल घेत त्याच दिवशी सकाळी नऊ वाजता जामखेड प्रकल्पातून पाण्याचे आवर्तन सोडण्यात आले आहे. यामुळे पंचक्रोशीतील ग्रामस्थांनी ‘देशदूत’चे आभार मानले आहेत.

जामखेड ही नदी आजपर्यंत कधीही कोरडी झाली नव्हती. जंगलात कुठेही पाण्याचा स्रोत नाही म्हणून सायंकाळी गुरांना पाणी पिण्यासाठी फक्त जाम केली नदीवरच यावे लागत होते. पण जाम केली नदीच बर्‍याच दिवसापासून कोरडी पडली होती. यामुळे गावातील गुरांना व मेंढपाळांना पाण्यासाठी मोठी पायपीट करावी लागत होती. जंगलात कुठेही पाण्याचा थेंब दिसत नव्हता. जंगलतोड झाल्यामुळे परिसरात पावसाचे प्रमाण कमी झाले. त्यासाठी दुष्काळाच्या झळा सहन कराव्या लागत असे. जाम केली प्रकल्पात फक्त 14 टक्के साठा शिल्लक होता. तरीसुद्धा जाम केली नदीला पाणी सोडण्यात आले म्हणून गावकर्‍यांनी समाधान व्यक्त केले.

चार-पाच दिवसापूर्वी ‘देशदूत’ने जामखेड प्रकल्पाचे पाणी जाम केली नदीत सोडा यासाठी पाठपुरावा केला होता. पाटबंधारे विभागाचे अधिकारी व अधीक्षक यांच्याकडे केला होता. त्यांनी सांगितले की, जाम केली प्रकल्पात फक्त 14 टक्के घनलक्ष फूट पाणीसाठा शिल्लक आहे. ते पाणी फक्त पिण्यासाठी राखीव ठेवण्यात आले आहे. मात्र, दि.18 मे रोजी याबाबत ‘देशदूत’ने वार्तापत्र प्रसिध्द केलेल्या वार्तापत्राची दखल जिल्हाधिकारी राहुल रेखावार यांनी घेवून तात्काळ त्याच दिवशी म्हणजे दि.18 मे रोजी सकाळी 10 वाजता पाणी सोडण्याचे आदेश दिले.

तीन दिवसात पाणी साबळे परिसरात पोहोचले. नदीकाठच्या शेतकर्‍यांना व विहीर बागायत शेतकरी आणि गुराढोरांचे पिण्याच्या पाण्याचा प्रश्न यामुळे सुटला आहे. पाण्याचे आवर्तन जाम केली नदीत सोडल्यामुळे शेतकर्‍यांनी समाधान व्यक्त केले आहे. कमीत कमी 15 ते 20 दिवस पाण्याचा प्रश्न सुटेल अशा प्रतिक्रिया शेतकर्‍यांनी व्यक्त केल्या आहेत. जामखेड ली नदी दुथडी भरून वाहू लागल्याने नदीकाठच्या शेतकर्‍यांनी समाधान व्यक्त केले आहे.

Leave a Comment

Your email address will not be published. Required fields are marked *

*

error: Content is protected !!