पिंजारी चाळमध्ये दुकान फोडले; गुन्हा दाखल

0
धुळे । शहरातील पिंजारी चाळमधील किराणा दुकान अज्ञात चोरट्याने फोडून दुकानातून किराणा माल सुमारे पाच हजार रुपये किंमतीचा चोरुन नेला. याबाबत शहर पोलिस ठाण्यात गुन्हा दाखल करण्यात आला आहे.

याबाबत माहिती अशी की, शहरातील स्टेशन रोडवर पिंजारी चाळ असून या ठिकाणी महेंद्र तुकाराम रोकडे यांच्या मालकीचे किराणा दुकान आहे. अज्ञात चोरट्याने दि. 13 जानेवारीच्या रात्री दुकानाचे शटर तोडून दुकानात गल्ल्यातील रोकड आणि तांदळाचा कट्टा, शेंगदाणे तेल, साखरेचा कट्टा असा मुद्देमाल चोरुन नेला. याबाबत शहर पोलिस ठाण्यात महेंद्र तुकाराम रोकडे यांनी फिर्याद दिली. भादंवि 457, 380 प्रमाणे गुन्हा दाखल करण्यात आला.

मुलीचे अपहरण- शहरातील नकाणे रोडवरील केले नगरातून विजया दिनेश वांजळे (वय17 वर्षे सहा महिने) हिच्या मोबाईल नंबरवर अमोल देवरे आणि अनोळखी स्त्रीने फोन करुन अपहरण केले. अशी फिर्याद विमल मारोती फडतरे यांनी दिली. भादंवि 363, 34 प्रमाणे अमोल देवरे आणि अनोळखी स्त्री विरुध्द गुन्हा दाखल करण्यात आला.

विवाहितेला मारहाण- शहरातील मौलवीगंज येथे राहणारी शगुप्ता शेख अफजल या विवाहितेच्या चारित्र्याचा संशय घेवून व माहेरुन पैसे आणले नाहीत म्हणून तिचा छळ केला. तसेच स्त्रीधन परत न देता विवाहितेला हाताबुक्क्यांनी मारहाण केली. अशी फिर्याद आझादनगर पोलिस ठाण्यात शगुप्ता शेख यांनी दिली. भादंवि 498 अ, 323, 406, 504, 34 प्रमाणे अफजल शेख रमजान शेख, रमजान शेख गफूर, शुफीया रमजान शेख, फिरोज रुबीना रमजान शेख आदींविरुध्द गुन्हा दाखल करण्यात आला.

एकाची फसवणूक- साक्री येथील रुपाईनगरात राहणारे देवीदास झब्बू पवार यांना त्यांच्या मोबाईलवर फोन आला व अमीत मिश्रा हेड ऑफीस येथून बोलत आहे असे हिंदीतून सांगून तुम्हारा एटीएम चालू रखना है या बंद करना है असे सांगून एटीएमचा कोडनंबर विचारला व त्यांच्या खात्यातून 23 हजार 995 रुपये काढून फसवणूक केली. याबाबत देवीदास पवार यांनी साक्री पोलिस ठाण्यात फिर्याद दिली. भादंवि 420 प्रमाणे गुन्हा दाखल करण्यात आला.

बसस्थानक आवारात अभ्रक सापडले- शहरातील बसस्थानक येथे अमळनेर बस लागते या ठिकाणी अज्ञात महिलेने दि. 14 जानेवारी रोजी दुपारी 15.30 वाजता पुरुष जातीचे अंदाजे एक ते तीन दिवसाचे अभ्रक पालन पोषणाची जबाबदारी टाळून उघड्यावर टाकून दिले. याबाबत पोकॉ रणजीत आनंदा वळवी यांनी शहर पोलिस ठाण्यात फिर्याद दिली. भादंवि 318 प्रमाणे अज्ञात महिलेविरुध्द गुन्हा दाखल करण्यात आला.

LEAVE A REPLY

*