धुळे –
शहरातील जुने धुळे परिसरात काल मध्यरात्री दोन गटांत हाणामारी झाली. त्यात परस्परविरोधी तक्रारीवरून सहा जणांविरूध्द आझादनगर पोलिसात गुन्हा दाखल करण्यात आला आहे.
याबाबत प्रफुल्ल अनिल बडगुजर (वय 19 रा. सुर्योदय कॉलनी, भोलबाबा मंदिराजवळ) याने पोलिसात फिर्याद दिली आहे. त्यानुसार प्रफुल्ल हा काल रात्री दुचाकीने घरी जात असतांना त्याला सचिन भास्कर बडगुजर याने अडवून हाताबुक्यांनी मारहाण केली.
त्याच्या गळ्यातील 1 लाख 2 हजार रूपये किंमतीची 34 ग्रॅम वजनाची सोन साखळी जबरीने हिसकावून घेतली. तर विनायक भास्कर बडगुजर याने त्याला धरून ठेवले. गजानन भास्कर बडगुजर सर्व (रा. सर्वोदय कॉलनी) याने त्याच्या आईला शिवीगाळ केली.
याप्रकरणी वरील तिघांविरूध्द गुन्हा दाखल झाला आहे. तर परस्परविरोधात विनायक भास्कर बडगुजर (वय 38 रा. सुर्योदय कॉलनी) याने पोलिसात दिलेल्या फिर्यादीनुसार काल रात्री 12.45 वाजेच्या सुमारास प्रफुल्ल अनिल बडगुजर, सुनिल जगन्नाथ बडगुजर व भारत सुनिल बडगुजर सर्व (रा. सर्वोदय कॉलनी) हे घराजवळ येवून आरडा-ओरड करत शिवीगाळ करत होते.
तेव्हा विनायक याने घराबाहेर येवून पाहिले असता, त्याला सचिन बडगुजर लाकडी दांडक्याने मारले. तर विनायक बडगुजर याने उजव्या हाताच्या दंडावर चाकुने वार करून जखमी केले. तसेच त्यांच्या बोटातील 5 ग्रॅमची अंगठी जबरीने काढून घेतली. तर भारत बडगुजर याने पॅन्टच्या खिशातील 7 हजार 500 रूपये काढून घेतले. तसेच घरावर दगडफेक केली. त्यानुसार वरील तिघांविरूध्द आझादनगर पोलिसात गुन्हा दाखल झाला आहे.
