धुळे - Dhule - प्रतिनिधी :
शहरातील मिल्लत नगरातील चोरीची उकल करण्यास चाळीसगाव रोड पोलिसांना यश आले आहेत. पोलिसांनी एकाला अटक केली असून त्यांच्याकडून चोरीचा 77 हजारांचा मुद्येमाल हस्तगत करण्यात आला आहे. त्याच्याकडून इतरही गुन्हे उघडकीस येण्याची शक्यता आहे.
फिरोज अहेमद शेख उस्मान शेख (वय 36 रा.मिल्लत नगर, सार्वजनिक हॉस्पीटल, धुळे) याच्याकडे दि. 15 ते 16 नोव्हेंबर दरम्यायन घरफोडी झाली.
चोरट्याने घरात सोन्या-चांदीचे दागीने, लॅपटॉप व मोबाईल असा 77 हजारांचा मुद्येमाला चोरून नेला होता. याप्रकरणी चाळीसगाव रोड पोसिसात अज्ञात चोरटयाविरुध्द गुन्हा दाखल करण्यात आला होता.
गुन्हयाचा तपास करतांना पोलिसांनी घटनास्थळाजवळील मोबाईलच्या टॉवर लोकेशनवरुन संशीयत आरोपी मुस्तकीन अय्युब मन्यार (वय25. रा.मिल्लतनगर) याला ताब्यात घेतले. प्रथम त्याने उडवाउडवीचे उत्तरे दिली.
नंतर पोलिसी खाक्या दाखवताच त्याने घरफोडीची कबुली दिलीे त्याच्याकडुन चोरीचा 77 हजारांचा ऐवज जप्त करण्यात आला. त्याच्याकडून इतरही घरफोडीचे गुन्हे उघडकीस येण्याची शक्यता आहे.तपास पोसई वाय. एस. राऊत हे करीत आहेत.
ही कामगिरी पोलिस अधिक्षक चिमय पंडीत, अपर पोलीस अधिक्षक प्रशांत बच्छाव, उपविभागीय पोलीस अधिकारी पाडवी यांच्या मार्गदर्शनाखाली सपोनि व्ही.एन.ठाकरे, पोसई वाय.एस.राऊत, वाय.जे.ढिकले यांनी व हेकॉ अजिज शेख,पोना भुरा पाटील, कैलास वाघ, सुशिल शेंडे, स्वप्नील सोनवणे, मुक्तार शहा यांनी केली आहे.