धुळे – Dhule – प्रतिनिधी :
शहरातील नटराज चित्रमंदीराच्या मागील परिसरात रेडा बांधून ठेवल्याचा वादातून दोन गटात हाणामारी झाली.
यावेळी एका समुहाकडून किरकोळ दगडफेकही करण्यात आली. तीन मोटार सायकलींची तोडफोड करण्यात आली आहे.
या प्रकरणी रात्री उशिरापर्यंत आझादनगर पोलिस ठाण्यात गुन्हा दाखल करण्याचे काम सुरु होते.
शहरातील नटराज चित्रमंदिराच्या पाठीमागे असलेल्या वसाहतीत मनोज वाडीले यांचा मालकीचा रेडा एका समुहाने बांधून ठेवला.
रेडा सोडण्याच्या वादातून दोन समुहात वाद झाला. या वादाचे पर्यावसन हाणामारीत झाले. त्यावेळी एका समुहाने दगडफेक सुरु केली.
यामुळे या परिसरात तणाव निर्माण झाला होता. याच दरम्यान तीन मोटार सायकलींची तोडफोडही जमावाने केली.
त्वरीत घटनास्थळी पोलिस अधिकारी आणि कमांडो पथक दाखल झाले व त्यांनी परिस्थितीवर नियंत्रण मिळविले.
त्यामुळे पुढील अनर्थ टळला. याबाबत रात्री उशिरापर्यंत आझादनगर पोलिस ठाण्यात गुन्हा दाखल करण्याचे काम सुरु होते.
दरम्यान पोलिसांनी कोम्बींग ऑपरेशन सुरु केले असून काही संशयितांना ताब्यातही घेण्यात आले आहे.
