Type to search

धुळे

दुचाकीस्वाराकडून पिस्टलसह चार जीवंत काडतूस जप्त

Share

धुळे । शिरपूर तालुका पोलिसांनी हद्दीतील वडेल या ठिकाणी आंतरराजीय सिमा तपासणी नाक्यावर विशेष नाकाबंदी करून उमरटी कडून येणार्‍या दुचाकीस्वाराकडून देशी बनावटीच्या पिस्टलसह चार जिवंत काडतूस जप्त केले. काल दि. 17 रोजी रात्री ही कारवाई करण्यात आली. याप्रकरणी शिरपूर तालुका पोलिसात गुन्हा दाखल करण्यात आला आहे.

विधानसभा निवडणुका 2019 च्या पार्श्वभुमीवर पोलीस अधिक्षक विश्वास पांढरे यांच्या आदेशानुसार जिल्ह्यात अवैध दारु शस्त्र व रोख रक्कम हस्तगत करण्याबाबत विशेष मोहिम राबविण्यात येत आहे. त्यानुसार काल दि. 17 रोजी शिरपुर तालुका पोलीस ठाण्याचे सहाय्यक पोलीस निरीक्षक अभिषेक पाटील यांना गुप्त बातमीदारामार्फत माहिती मिळाली की, मध्यप्रदेशातील उमरटी गावातून मोटार सायकलने (क्र. एम.पी.46 एम.बी.6693) एक इसम हा देशी बनावटीचे पिस्तोल बाळगुन तिची चोरटी विक्री करण्यासाठी शिरपुरचे दिशेने जाण्याचे तयारीत आहे. मिळालेल्या माहितीवरुन सपोनि अभिषेक पाटील यांनी पोसई वारे, पोहेकॉ लक्ष्मण गवळी, पोना संजीव जाधव, पोकॉ रामदास बारेला, संदीप शिंदे, योगेश दाभाडे अशा पथकास हद्दीतील वडेल या ठिकाणी आंतरराजीय सिमा तपासणी नाक्यावर पाठवुन विशेष नाकाबंदी लावण्याबाबत कळविले.

नाकाबंदी दरम्यान उमरटी (म.प्र.) कडुन येणार्‍या मोटार सायकलला (क्र. एम.पी.46 एम.बी.6693) थांबवून चालक संशयित सतनामसिंग महारसिंग जुनजा (वय 19 रा.उमरटी ता.वरला जि.बडवाणी) यांची तपासणी केली असता त्याचे कमरेस देशी बनावटीचे पिस्टल व काडतुस मिळुन आले. पोलिसांनी 20 हजार रुपये किंमतीचे एक देशी बनावटीचे पिस्टल मॅगझीनसह व आठशे रुपये किंमतीचे 4 जिंवत काडतुस व 20 रुपये किंमतीची दुचाकी जप्त केली. सतनामसिंह जुनेजा याला ताब्यात घेवुन त्याच्याविरुध्द पोकॉ रामदास बारेला यांनी दिलेल्या फिर्यादी वरुन शिरपूर तालुका पोलिसात गुन्हा दाखल करण्यात आला आहे.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!