वार्षिक राशीभविष्य : नोव्हेंबर 2018 ते ऑक्टोबर 2019

0
माणसाला भविष्याची ओढ अनादी काळापासून आहे. ज्योतिषशास्राच्या माध्यमातून राशींच्या आधारे भूतकाळ, वर्तमानकाळ आणि भविष्यातील संभाव्य घटनांचा धांडोळा घेतला जातो. त्यातून अनेक प्रश्नांची उत्तरे मिळतात. दिशा मिळते. येणार्‍या नववर्षामध्ये राशीचक्रातील 12 राशींच्या व्यक्तींच्या जीवनात कोणकोणते योग आहेत, अर्थप्राप्ती, करिअर, घरकुल, वैवाहिक सौख्य, शिक्षण याबाबत हे वर्ष कसे असणार आहे याचा वेध…

– सु. ल. हिंगणे, ज्योतिषशास्त्र अभ्यासक.

मेष रास 

मेष राशीच्या 2019 सालच्या भविष्यानुसार या राशीच्या व्यक्तींची प्रकृती अस्थिर असेल. हे वर्ष तुमच्यासाठी संमिश्र असेल. तुम्ही आरोग्याबाबत सजग असल्याने वर्षाच्या सुरुवातील तुमची प्रकृती सुदृढ असेल. या कालावधीत तुम्हाला थोडासा मानसिक ताण असेल, त्यानंतर मात्र तुमची प्रकृती स्थिर राहील. या वर्षी तुमच्या करिअरमध्ये चढ-उतार पाहायला मिळतील. तुमच्या मेहेनतीमुळे तुम्हाला यश प्राप्त होईल. तुमच्या नोकरीमध्ये बढती मिळण्याची शक्यता आहे.

तुमचे करिअरमध्ये वरची पातळी गाठण्यासाठी तुमचे नशीब तुम्हाला साथ देईल. वर्षाच्या सुरुवातीपासूनच तुम्ही तुमच्या प्रकल्पांमध्ये खूप मेहेनत कराल. याचा भविष्यात तुम्हाला फायदा होईल. आर्थिक परिस्थितीत चढ-उतार राहील. वर्षाच्या सुरुवातीला तुमची आर्थिक बाजू बळकट असेल पण या कालावधीत तुमचा खर्च वाढलेला राहील. अचानक अनेक अनावश्यक खर्च उद्भवतील. वायफळ खर्चावर नियंत्रण ठेवले नाही तर आर्थिक अडचण निर्माण होईल.

मेष राशीभविष्य 2019 सांगते की, या वर्षाच्या मध्यावर (जुन-जुलै) तुमच्या व्यवसायाला गती प्राप्त होईल. त्यामुळे तुम्हाला आर्थिक लाभ मिळेल. तुमच्या शृंगारिक आयुष्यात फारसा बदल होणार नाही. तुमचे नाते खास राहावे, असे वाटत असेल तर तुम्ही तुमच्या जोडीदाराशी पारदर्शक वर्तणूक ठेवणे आवश्यक आहे.

वृषभ रास

वृषभ राशीच्या 2019 सालच्या भविष्यानुसार तुमची प्रकृती काहीशी अशक्त राहण्याची शक्यता आहे. त्यामुळे या वर्षात तुम्ही तुमच्या आरोग्याची काकणभर अधिक काळजी घेतली पाहिजे. तुमच्या खाण्यापिण्याच्या सवयींवर विशेष लक्ष ठेवा. पोषक आहार घ्या. 2019 सालच्या भविष्यानुसार तुम्हाला या वर्षी एखादा गंभीर आजार होण्याची शक्यता आहे. या वर्षाच्या सुरुवातीला तुम्हाला तुमच्या करिअरमध्ये अडथळ्यांना सामोरे जावे लागू शकते. करिअरमध्ये चढ-उतार होऊ शकेल आणि तुम्हाला चांगले परिणाम साधण्यासाठी खूप मेहेनत करावी लागेल.

या वर्षात तुम्ही तुमच्या करिअरबाबत अधिक गंभीर असाल आणि तुमच्या करिअरमध्ये एक निश्चित टप्पा गाठण्यासाठी तुम्ही मेहेनत कराल. आर्थिक बाजू नेहमीपेक्षा अधिक चांगली असेल. तुमची आर्थिक परिस्थिती सुधारेल, पण त्याचबरोबर तुमचे खर्चही वाढण्याची शक्यता आहे. तुम्ही अनावश्यक खर्चावर नियंत्रण ठेवले नाही तर तुमची आर्थिक परिस्थिती बिघडण्याची शक्यता आहे.

असे असले तरी या वर्षात तुमच्या उत्पन्नामध्ये वाढ होऊ शकते. 2019 च्या राशीभविष्यानुसार उत्पन्नाचे नवे मार्ग तयार होतील. एप्रिल महिन्याच्या मध्यापासून मे महिन्याच्या मध्यापर्यंत तुमची आर्थिक परिस्थिती बळकट असेल आणि जूनपर्यंत ही परिस्थिती अशीच राहील.

मिथुन रास

मिथुन राशीच्या 2019 सालच्या भविष्यानुसार या वर्षात तुमचे आरोग्य चांगले राहील. असे असले तरी क्वचित तुम्हाला आरोग्याच्या लहान-सहान कुरबुरींना सामोरे जावे लागेल. वर्षाच्या सुरुवातील, म्हणजेच जानेवारी महिन्यात तुम्हाला तुमच्या आरोग्याची काळजी घेणे आवश्यक आहे. या कालावधीत त्वचेशी संबंधित समस्या उद्भवू शकते. करिअरचा विचार करता हे वर्षा तुमच्यासाठी सामान्य असेल. पण तुम्ही मेहेनत घेतलीर तर मात्र या वर्षी करिअरमध्ये प्रगती करू शकाल. तुम्हाला तुमच्या कामाच्या बाबतीत एकाग्र होण्याची आवश्यकता आहे.

तुमच्या करिअरमध्ये प्रगती साधण्यासाठी तुम्हाला नव्या कल्पना तयार कराव्या लागतील. वरिष्ठांचा सल्ला हितकारक ठरेल. 2019 सालच्या राशी भविष्यानुसार आर्थिक बाबतीत तुम्ही मोठी ध्येये साध्य कराल. आर्थिक लाभाची खूप शक्यता आहे. व्यवसायातील नव्या कल्पना तुमचा आर्थिक नफा वाढविण्यास मदत करतील. पैसा वसूल करण्यात तुम्हाला यश लाभेल. असे असले तरी तुमच्या व्यवसायाचा विस्तार करण्यासाठी तुम्हाला तुमच्या घरापासून लांब राहावे लागेल.

कर्क रास

कर्क राशीच्या 2019 सालच्या भविष्यानुसार आर्थिक व्यवहार आणि करिअरच्या दृष्टीने 2019 हे वर्ष कर्क राशीच्या व्यक्तींसाठी अनुकूल असेल. असे असले तरी आरोग्याच्य बाबतीत मात्र काळजी घेणे आवश्यक आहे कारण या वर्षात प्रकृतीमध्ये चढ-उतार सुरू राहतील. करिअरचा विचार करता नोकरदार व्यक्तींना बढती मिळण्याची शक्यता आहे. फेब्रुवारी ते मार्च आणि नोव्हेंबर ते डिसेंबरदरम्यान तुम्हाला नोकरी आणि व्यवसायाबाबत शुभवार्ता समजण्याची शक्यता आहे.

त्याचप्रमाणे मार्च महिन्यानंतर तुम्ही नवा व्यवसाय सुरू कराल किंवा तुमच्या व्यवसायाचे विस्तारीकरण कराल. आता आपण तुमच्या आर्थिक परिस्थितीबाबत बोलू या. या वर्षात तुमची आर्थिक परिस्थिती बळकट राहील. कारण या वर्षभर आर्थिक लाभ मिळविण्याची संधी तुम्हाला मिळत राहील. 2019 च्या राशी भविष्यानुसार मार्च, एप्रिल आणि मे हे महिने तुम्हाला सर्वाधिक आर्थिक फायदा मिळवून देणारे महिने ठरण्याची शक्यता आहे.

या कालावधीत उत्पन्नामध्ये झालेली वाढ आणि आर्थिक लाभ यामुळे तुमची आर्थिक परिस्थिती बळकट होईल आणि समाजामध्ये प्रतिष्ठा उंचावेल. आर्थिक लाभांबरोबरच या वर्षी तुम्हाला आर्थिक नुकसान सोसावे लागण्याची शक्यता आहे. त्यामुळे फेब्रुवारी आणि मार्चच्या सुरुवातीपर्यंत आर्थिक बाबतीत विचारपूर्वक आणि काळजीपूर्वक व्यवस्था करा आणि भांडवली गुंतवणूही नीट विचार करून करा.

सिंह रास

सिंह राशीच्या 2019 सालच्या भविष्यानुसार या वर्षात तुमचे आरोग्य उत्तम राहील. या वर्षाच्या सुरुवातीच्या महिन्यांमध्ये तुम्हाला सर्दी होण्याची शक्यता आहे. तुम्हाला शारीरिक थकवा येईल आणि अशक्तपणा जाणवेल. परंतु फेब्रुवारी महिन्याच्या मध्यापासून तुमची प्रकृती सामान्य होईल. तुमच्या करिअरमध्ये यश मिळविण्यासाठी तुम्ही खूप कष्ट कराल.

करिअरचा विचार करता तुम्हाला यशाची चव चाखायला मिळेल पण या यशाने तुमचे समाधान होणार नाही.
कामाच्या ठिकाणी तुम्ही दाखविलेल्या चिकाटीमुळे तुमची एक नवी ओळख निर्माण होईल. तुम्हाला नव्या कार्यालयात काम करण्याची संधी मिळेल. 2019 च्या सुरुवातीच्या काळात तुमच्या करिअरच्या दृष्टीने चांगले परिणाम पाहायला मिळतील. या वर्षात तुमच्या आर्थिक परिस्थितीबाबत तुरळक आव्हाने तुमच्या समोर येतील, पण तुम्हाला उत्तम परिणाम मिळतील. तुमची आर्थिक बाजू बळकट असेल. जानेवारी वगळता फेब्रुवारी, मार्च आणि एप्रिल महिन्यात तुमचे कदाचित आर्थिक नुकसान होऊ शकते.

2019 च्या ग्रहस्थितीनुसार तुमच्या प्रेमजीवनात आव्हाने निर्माण होतील. त्यामुळे तुम्ही काकणभर अधिक काळजी घेणे आवश्यक आहे. तुमच्या जोडीदाराशी वाद होण्याची किंवा गैरसमज होऊन नात्यात कडूपणा येण्याची शक्यता आहे.

कन्या रास

कन्या राशीच्या 2019 सालच्या भविष्यानुसार या वर्षात तुमच्या आरोग्याच्या बाबतीत चढ-उतार सुरू राहतील. त्याचप्रमाणे आरोग्याबाबत संमिश्रण परिणाम पाहायला मिळतील. उदा. आरोग्य सुदृढ होण्याबरोबरच प्रकृतीच्या तक्रारींचा त्रास होईल. करिअरमध्येही संमिश्र परिणाम पाहायला मिळतील. या विभागात अनेक संधी मिळतील, पण त्या संधींमध्ये बहुधा अपेक्षाभंगाला सामोरे जावे लागेल. या उलट अशा अनेक संधी मिळतील, जिथे तुम्हाला यशाची चव चाखायला मिळेल.

कन्या रास असलेल्या व्यक्तींना त्यांच्या सक्षम संवादकौशल्यामुळे व्यावसायिक यश प्राप्त होईल. तुमची आर्थिक परिस्थिती सामान्यापेक्षा अधिक चांगली राहील आणि वर्षाच्या सुरुवातीपासूनच हे तुम्हाला जाणवेल. जानेवारी, फेब्रुवारी आणि मार्च महिन्यात तुम्हाला विविध स्रोतांमधून उत्पन्न मिळेल. पण त्याच वेळी तुमचा खर्चही वाढलेला असेल. असे असले तरी परिस्थिती तुमच्या नियंत्रणात असेल. 2019 मध्ये तुमच्या शृंगारिक जीवनात संमिश्र परिणाम पाहायला मिळतील.

या कालावधीत तुम्ही नात्यामधील चढ-उतार अनुभवाल. 2019 च्या ग्रहमानानुसार वर्षाची सुरुवात तुमच्या शृंगारिक आयुष्यासाठी फारशी अनुकूल नसेल. तुम्हाला तुमच्या शृंगारिक आयुष्यात काही आव्हानांना सामोरे जावे लागेल. तुमची नोकरी/व्यवसायामुळे तुम्हाला घरापासून लांब राहावे लागेल.

तुळ रास 

तुळ राशीच्या 2019 च्या राशी भविष्यानुसार या वर्षभरात तुमचे आयुष्य चांगले राहील. या वर्षी तुम्हाला सुदृढ आरोग्य लाभेलच, त्याचबरोबर दीर्घकाळापासून त्रास देणार्‍या आजारांपासूनही मुक्त व्हाल. तुमच्या करिअरमध्ये तुम्हाला चांगले परिणाम पाहायला मिळतील. मार्चनंतर तुमच्या नव्या कल्पना तुम्हाला यश मिळवून देतील. या कालावधीत तुम्हाला कामाच्या ठिकाणी अधिक चांगले परिणाम दिसून येतील. तुमच्या सहकार्यांकडून सहकार्य मिळेल. पण ते तुमच्या अपेक्षेनुसार नसेल. त्यामुळे त्यांच्यावर आंधळेपणाने विसंबून राहू नका. आर्थिक बाबतीत तुम्हाला अपेक्षेपेक्षा चांगले परिणाम अनुभवायला मिळतील.

आर्थिक बाबतीत तुम्हाला नशीबाचीसुद्धा साथ मिळेल आणि तुमची आर्थिक स्थिती बळकट करण्यासाठी तुम्हाला अनेक संधी प्राप्त होतील. 2019 सालच्या ग्रहमानानुसार या वर्षी तुम्ही नवे नाते जोडाल. जोडीदाराशी असलेले तुमचे नाते परिपूर्ण असेल. तुम्ही तुमच्या जोडीदारासमवेत पर्यटन कराल. त्याचप्रमाणे तुम्ही दोघे एकत्रितपणे मौजमजा कराल.
असे असले तरी काही बाबतीत तुमचा अपेक्षाभंग होईल. तुम्ही या कालावधीत आनंदी असाल आणि गृहसौख्य लाभेल. या वर्षाच्या मध्यावर आनंददायी बातमी तुम्हाला खुश करेल. या वेळी तुमच्या घरी शुभ कार्य घडेल.

वृश्चिक रास

वृश्चिक राशीच्या 2019 च्या राशी भविष्यानुसार तुमची आरोग्य परिस्थिती पाहता या वर्षभरात तुम्हाला अधिक काळजी घ्यावी लागेल. तुम्हाला फिटनेसच्या समस्येला सामोरे जावे लागेल. आरोग्याची परिस्थिती खालावली तर दुर्लक्ष करू नका. ताबडतोब आजारावर उपचार सुरू करा. फेब्रुवारी आणि मार्च महिन्यात तुमची प्रकृती नाजूक राहील. या उलट करिअरच्या बाबतीत मात्र तुम्हाला उत्तम परिणाम पाहायला मिळतील.

2019 सालच्या राशी भविष्यानुसार तुम्हाला तुमच्या करिअरमध्ये यश लाभेल आणि तुम्हाला करिअरमध्ये अनेक सुवर्ण संधी लाभतील. चांगल्या कंपनीकडून तुम्हाला जॉब ऑफर मिळेल. कामाच्या निमित्ताने परदेशी जाण्याची शक्यता आहे. या वर्षी तुम्हाला आर्थिक बाबतीत संमिश्र परिणाम पाहायला मिळतील. तुम्ही आर्थिक चढ-उतार अनुभवाल. तुमचे उत्पन्न आणि खर्च यात तफावत आढळून येईल. त्यामुळे या दोहोंचा नीट ताळमेळ ठेवा. दुसरीकडे तुमच्या शृंगारिक आयुष्यासाठी हे वर्ष अनुकूल आहे. प्रेम जुळून येण्याची संधी आहे आणि नात्याची वीण अधिक घट्ट होईल.

धनु रास

धनु राशीच्या 2019 च्या राशी भविष्यानुसार या वर्षाच्या सुरुवातीच्या महिन्यात तुम्हाला आरोग्यविषयक समस्या जाणवेल. प्रवासामुळे थकवा येईल. या वर्षात वाहन सांभाळून चालवा. करिअरचा विचार करता तुम्हाला संमिश्र परिणाम पाहायला मिळतील. या वर्षी तुम्ही करिअरमध्ये खूप चढ-उतार अनुभवाल. तुम्हाला तुमच्या मेहेनतीचे फळ मिळेल. या वर्षात तुम्हाला कामाच्या ठिकाणी बढती मिळेल किंवा तुमच्या पगारात वाढ होईल. दुसरीकडे, आर्थिक बाबतीत परिस्थिती अनुकूल असेल. तुम्हाला विविध ठिकाणांहून आर्थिक मदत प्राप्त होईल.

वडिलोपार्जित संपत्तीत वाढ होईल. 2019 च्या राशीभविष्यानुसार तुमची आर्थिक परिस्थिती सुधारण्यासाठी कुटुंबियांकडून तुम्हाला मदत होईल. तुम्ही एखादा व्यवसाय करत असाल किंवा फर्म स्थापन केलीत तर तुम्हाला आर्थिक नफा होईल. या वर्षात तुम्ही तुमच्या शृंगारिक आयुष्याबद्दल गंभीर व्हाल. जोडीदाराशी काही वाद झाले तरी ते वाढवू नका, उलट चर्चेने ते वाद सोडवा. कुटुंबियांची प्रकृती उत्तम राहील. आई-वडिलांच्या प्रकृतीच्या बारीकसारीक कुरबुरी राहतील.

मकर रास

मकर राशीच्या 2019 च्या राशी भविष्यानुसार हे तुमच्यासाठी चांगले वर्ष असेल. असे असले तरी तुम्हाला आरोग्याशी संबंधित काही समस्या जाणवतील. पहिल्या तीन महिन्यांत म्हणजेच जानेवारी, फेब्रुवारी आणि मार्च महिन्यात तुमचे आरोग्य चांगले राहील. या वेळी तुम्ही उर्जायुक्त असाल पण एप्रिल ते सप्टेंबर या कालावदीत तुम्हाला आरोग्याशी संबंधित समस्यांना सामोरे जावे लागेल. आर्थिक बाबतीत चढ-उतार अनुभवाल. या वर्षात तुमचे खर्च वाढण्याची शक्यता आहे, पण उत्पन्नाच्या बाबतीत वाढ होण कठीण आहे.

असे असले तरी आंतरराष्ट्रीय संबंधांमुळे तुम्हाला आर्थिक लाभ होऊ शकतो. तुम्ही नोकरी करत असाल तर तुम्हाला बढती मिळेल किंवा व्यवस्थापनाकडून तुमची प्रशंसा होईल. ऑक्टोबर महिन्यात अनेक चांगल्या बातम्या मिळतील. तुमचा व्यवसाय वाढेल. तुमच्या शृंगारिक आयुष्याचा आनंद उपभोगाल. 2019 च्या राशी भविष्यानुसार तुमचे शृंगारिक आयुष्य रोमांचक असेल. तुमच्या जोडीदाराला तुम्हाला आयुष्याचा जोडीदार करायचे असेल तर या वर्षी ही इच्छा पूर्ण होण्याची शक्यता आहे.

कुंभ रास

कुंभ राशीच्या 2019 च्या राशी भविष्यानुसार या वर्षात तुमचे आरोग्य उत्तम राहील. तुम्ही सुदृढ आणि उत्साही असाल. तुमच्यात खूप उत्सुकता, तळमळ आणि प्रचंड उर्जा राहील. या वर्षात तुमच्या करिअरला उंची प्राप्त होईल. तुमच्या कामाच्या क्षेत्रात तुम्हाला यश मिळेल. तुमच्या निर्णयांमुळे तुमचे करिअर अधिक चांगेल होईल. तुम्ही तुमच्या उत्तम निर्णायमुळे तुमच्यासाठी चांगल्या संधी तयार कराल. तुमचे आर्थिक आयुष्य उत्तम राहील.

या वर्षात तुम्हाला आर्थिक लाभ मिळण्याची खूप शक्यता आहे. तुम्हाला धनप्राप्ती झाल्याने तुमची आर्थिक स्थिती बळकट होईल. त्याचप्रमाणे या वर्षभरात संपत्ती संचय उत्तम प्रकारे कराल. मार्च महिन्यानंतर आर्थिक परिस्थितीत उत्तरोत्तर सुधारणा होत जाईल. उत्पन्नाचे विविध मार्ग असतील आणि आर्थिक आघाडीवर तुम्ही समाधानी असाल. या वर्षी तुमचे शृंगारिक आयुष्य अधिक चांगले राहील.

2019 या वर्षाच्या राशी भविष्यानुसार या वर्षाची सुरुवात काहीशी संथ असेल. मार्चपर्यंत तुमच्या शृंगारिक आयुष्यात चढ-उतार अनुभवाल. असे असले तरी या कालावधीत तुमच्या जोडीदारावर पूर्ण विश्वास ठेवा आणि तुमच्या जवळच्या व्यक्तीच्या विश्वासाला तडा जाऊ देऊ नका.

मीन रास

मीन राशीच्या 2019 च्या राशी भविष्यानुसार या वर्षभरात तुमचे आरोग्य चांगले राहील. असे असले तरी तुम्हाला तुमच्या आरोग्याची काळजी घ्यावी लागेल. स्वत:ला सुदृढ ठेवण्यासाठी तुम्ही योगासने, व्यायाम, धावणे इत्यादींचा अवलंब करा. तुमचे दैनंदिन आयुष्य अधिक आरोग्यदायी करा. सकाळी लवकर उठा आणि रात्री वेळेवर झोपा. चांगले आरोग्य राखण्यासाठी पुरेशी झोप घ्या. तुमचे मन शांत ठेवण्यासाठी ध्यानधारणा करा. तुम्ही शारीरिक आणि मानसिकदृष्ट्या सुदृढ असाल तर तुम्ही करिअरमध्ये गगनभरारी घ्याल. कामाच्या ठिकाणी तुम्ही नवी ओळख निर्माण कराल.

मेहेनती, समर्पित वृत्ती असलेला, प्रामाणिक कर्मचारी म्हणून तुमची प्रतिमा तयार होईल. 2019 सालच्या राशी भविष्यानुसार तुम्हाला काही आर्थिक आव्हानांना सामोरे जावे लागेल आणि त्यामुळे या वर्षभर तुम्हाला आर्थिक बाबतीत काळजी घेण्याची आवश्यकता आहे. त्यामुळे कोणताही जोखीमयुक्त निर्णय घेताना तुम्ही नीट विचार करा. अथवा तुम्हाला आर्थिक नुकसान सहन करावे लागण्याची शक्यता आहे. या वर्षात तुमच्या शृंगारिक आयुष्यात मात्र गोंधळाची स्थिती राहील. तुमच्या शृंगारिक नात्याबद्दल तुमच्या मनात किंतु निर्माण होईल. तुमच्या जोडीदारासमवेत एखाद्या विषयावरून तुमचा वाद होण्याचीही शक्यता आहे.

LEAVE A REPLY

*