एटीएम बदलवून सेवानिवृत्त शिक्षकाच्या खात्यातून 42 हजार लांबविले

0
जळगाव । शहरातील स्टेट बँकच्या मुख्य शाखेच्या एटीएमवर पैसे काढल्यानंतर सेवानिवृत्त शिक्षकाला बोलण्यात गुंतवणून दोघांनी त्याचे एटीएम कार्ड बदलवून त्याच्या खात्यातून सायंकाळी 42 हजार रुपये परस्पर काढल्याची घटना दि.18 रोजी घडली. दरम्यान याप्रकरणी आज जिल्हापेठ पोलिसात गुन्हा दाखल करण्यात आला आहे.

याबाबत पोलिसांकडून मिळालेली माहिती अशी की, जामनेर तालुक्यातील सोनाळे येथील सेवानिवृत्त शिक्षक हिरोजी बाबुराव पाटील वय 73 हे दि.18 रोजी सकाळी 9.50 वाजेच्या सुमारास एटीएममधुन पैसे काढण्यासाठी स्टेट बँक ऑफ इंडियाच्या मुख्य शाखेत एटीएमवर पैसे काढण्यासाठी आले होते. त्यांनी पैसे काढल्यानंतर त्याच्या मागे उभे असलेल्या दोन भामट्यांनी हिरोजी पाटील यांना बोलण्यात गुंतविले. व त्यांच्याजवळील एटीएम कार्ड बदलविले.

त्यानंतर दोघांनी सायंकाळी या एटीएमचा वापर करून शहरातील बेंडाळे चौकमधील एटीएमवरून हिरोजी पाटील यांच्या खात्यातून तीन ेवळा पैसे काढून 42 हजार रुपये लांबविले. आज सकाळी हिरोजी पाटील यांचा पुतण्या पैसे काढण्यासाठी गेला असता, या कार्डातून पैसे न निघाल्याने व कार्ड डुप्लीकेट असल्याचे समजल्यानंतर त्याने घरी येवून काका हिरोजी पाटील यांना सांगितले. दरम्यान त्या दिवशी दोघांनी एटीएम कार्ड हातात घेतले असल्याचे हिरोजी पाटील यांच्या लक्षात आले. त्यानंतर त्यांच्या पुतण्याने खात्यातील व्यवहार तपासले असता,

दि.18 रोजी तीनवेळा 42 हजार रुपये लांबविल्याचे लक्षात आले. त्यानंतर हिरोजी पाटील यांनी जिल्हापेठ पोलिसात येवून घडलेला प्रकार पोलिसांना सांगितला.त्यानंतर हिरोजी पाटील यांच्या फिर्यादीवरून जिल्हापेठ पोलिसात गुन्हा दाखल करण्यात आला असून तपास पोलिस उपनिरीक्षक मनोज वाघमारे करीत आहे. दरम्यान पोलिस उद्या एटीएमवरील सीसीटीव्ही फुटेज ताब्यात घेणार आहे.

दरम्यान दिवसेंदिवस ऑनलाईन फसवणूकीच्या घटनांमध्ये वाढ होत आहे. त्यामुळे नागरिकांनी दक्षता बाळगावी असे आवाहन पोलीस प्रशासनातर्फे करण्यात आले आहे.

LEAVE A REPLY

*