Type to search

दिल्लीत सुरु आहे ‘चौकीदार ही चोर’ हा क्राइम थ्रिलर : राहुल गांधी

आवर्जून वाचाच देश विदेश मुख्य बातम्या राजकीय

दिल्लीत सुरु आहे ‘चौकीदार ही चोर’ हा क्राइम थ्रिलर : राहुल गांधी

Share

दिल्ली: ‘चौकीदार ही चोर है’ नावाचा क्राइम थ्रिलर सध्या देशात सुरू आहे. अधिकारी थकले आहेत. परस्परांवरचा विश्वास उडाला आहे. लोकशाही रडते आहे,’ अशी घणाघाती टीका काँग्रेस अध्यक्ष राहुल गांधी यांनी पंतप्रधान नरेंद्र मोदी यांच्यावर केली आहे. सीबीआयमधील वादाच्या प्रकरणात मोदी सरकारमधील मंत्र्यांवर काल भ्रष्टाचाराचे आरोप झाल्यानंतर राहुल गांधी यांनी हे ट्विट केलं आहे.

राकेश अस्थाना यांच्यावरील लाचखोरीच्या आरोपांची चौकशी करणारे उपमहासंचालक मनीषकुमार सिन्हा यांनी सोमवारी सुप्रीम कोर्टात हस्तक्षेप याचिका दाखल केली. याचिकेत त्यांनी अस्थाना यांची चौकशी करण्यात राष्ट्रीय सुरक्षा सल्लागार अजित डोवल यांनी आडकाठी आणल्याचा गंभीर आरोप केला आहे. या पार्श्वभूमीवर राहुल गांधी यांनी मंगळवारी सकाळी ट्विट केले.

राहुल गांधी ट्विटमध्ये म्हणतात, दिल्लीत सध्या चौकीदार ही चोर हा क्राइम थ्रिलर सुरु आहे. नवीन भागात सीबीआयच्या वरिष्ठ अधिकाऱ्याने एक मंत्री, राष्ट्रीय सुरक्षा सल्लागार आणि केंद्रीय सचिवांवर गंभीर केले आहेत. दुसरीकडे त्याने गुजरातवरुन आणलेला साथीदार कोट्यवधी रुपयांची वसूली करत आहे. अधिकारी थकले आहेत, विश्वासाला तडा गेला आहे आणि लोकशाही रडत आहे, असे त्यांनी म्हटले आहे.

 

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!