अहमदनगर |प्रतिनिधी| Ahmednagar
तरुणाने युवतीला लग्नाचे आमिष दाखवून तिच्यासोबत लव इन रिलेशनशिपमध्ये राहिला. तिच्यासोबत शरीर संबंध ठेवले. दरम्यान, तरुणाने व त्याच्या नातेवाईकांनी युवती दुसर्या जातीची असल्याचे सांगून लग्न करण्यास नकार दिल्याची घटना समोर आली आहे. नेवासा तालुक्यातील पीडित युवतीने याप्रकरणी सोमवारी (दि. 2) तोफखाना पोलीस ठाण्यात फिर्याद दिली आहे.
दिलेल्या फिर्यादीवरून नवनाथ हरीभाऊ राऊत (रा. नांदूर, ता. आष्टी, जि. बीड) या तरूणा विरूध्द अत्याचाराचा गुन्हा दाखल करण्यात आला आहे. नेवासा तालुक्यातील युवती नगर शहरात राहत असल्याने व राऊत याने तिला काम पाहून दिल्याने त्यांची ओळख झाली होती. युवती नगर शहरातील एका कापड दुकानात काम करत असल्याने राऊत तिला भेटण्यासाठी त्या दुकानात जात होता. त्याने तिचा मोबाईल नंबर घेतला होता. दोघांचे एकमेकांवर प्रेम झाल्याने त्यांनी लव इन रिलेशनशिपमध्ये राहण्याचा निर्णय घेतला.
राऊत याने युवतीला लग्नाचे आमिष दाखविले व तिच्यासोबत रूमवर राहून वेळोवेळी शरीर संबंध ठेवले. त्याने त्याच्या आई-वडिलांनाही लग्न करणार असल्याची कल्पना दिली होती. त्याची आई आजारी असताना त्यांच्या रूम वर एक महिना राहिली होती. दरम्यान, 17 सप्टेंबर 2023 रोजी राऊत याची बहिण व तिचा पती रूमवर आले. ती युवतीला म्हणाली, तुझी कास्ट (जात) वेगळी आहे, तु माझ्या भावाला विसरून जा. त्यावेळी युवतीच्या लक्षात आले की, नवनाथ राऊत याने लग्नाचे खोटे आमिष दाखवून वारंवार शरीर संबंध ठेवून फसवणूक केली आहे. त्यानंतर युवतीने तोफखाना पोलीस ठाण्यात फिर्याद दिली आहे. पोलिसांनी नवनाथ राऊत याच्या विरोधात अत्याचाराचा गुन्हा दाखल केला आहे.