अहमदनगर |प्रतिनिधी| Ahmednagar
लग्नाचे आमिष दाखवून पिता- पुत्राने एका महिलेवर अत्याचार केल्याची घटना नगर शहरात घडली.
याप्रकरणी पीडित महिलेच्या फिर्यादीवरून तोफखाना पोलीस ठाण्यात दोघांविरूद्ध गुन्हा दाखल करण्यात आला आहे. मुकेश पांडुरंग पाठक, अशितोष मुकेश पाठक (दोघे रा. बोल्हेगाव फाटा, नगर) असे गुन्हा दाखल झालेल्या पिता- पुत्राचे नाव आहे.
याबाबत पीडिताने दिलेल्या फिर्यादीत म्हटले आहे की, मुकेश पाठक याने माझ्याशी ओळख करून मला लग्नाचे अमिष दाखविले. माझ्याशी वेळोवेळी शरिरसंबंध ठेवले. घर खरेदी करून देतो असे म्हणत मुकेश पाठक व अशितोष पाठक यांनी चेकद्वारे एक लाख रुपये, 7 लाख 50 हजार रुपये रोख स्वरूपात तसेच 90 हजार रुपयांचे दागिने घेऊन फसवणूक केली.
तसेच मुकेश पाठक याने लग्न करतो असे म्हणत माझ्या घरी येत माझ्यावर अत्याचार केल्याचे फिर्यादीत म्हटले आहे. याप्रकरणी पुढील तपास सहायक पोलीस निरीक्षक किरण सुरसे करीत आहे.