Type to search

Breaking News Featured देश विदेश मुख्य बातम्या

मध्यरेल्वेच्या ‘लाइफलाईन एक्सप्रेस’चा शुभारंभ; सुविधा बघून अवाक् व्हाल

Share

मुंबई | प्रतिनिधी 

मध्यरेल्वेच्या वतीने लाईफलाईन एक्स्प्रेसचा नुकताच शुभारंभ करण्यात आला आहे. विशेष म्हणजे ही रेल्वे ग्रामीण भागातील आर्थिक दुर्बल घटकातील जनतेच्या आरोग्य जपण्यासाठी काम करत आहे. आतापर्यंत जवळपास १२ लाखांपेक्षा अधिक रुग्णांवर या रेल्वेमध्ये उपचार करण्यात आले आहेत.

आज मध्यवर्ती रेल्वेचे अतिरिक्त महाव्यवस्थापक डॉ. बद्री नारायण यांच्या हस्ते दि.छत्रपती शिवाजी महाराज टर्मिनस येथे” लाइफलाईन एक्सप्रेस-हॉस्पिटल ऑन व्हील्स “चे उद्घाटन करण्यात आले.

याप्रसंगी इम्पॅक्ट इंडिया फाऊंडेशनचे अध्यक्ष आर सी. सरीन, प्रसन्ना कुमार, मुख्य वैद्यकीय संचालक, के. जैन, विभागीय रेल्वे व्यवस्थापक, धनंजय नाईक, मुख्य प्रवासी परिवहन व्यवस्थापक, व्ही. के. मेहरा, मुख्य इलेक्ट्रिकल मॅनेजर (आरएस), इति पांडे मुख्य वाणिज्यिक व्यवस्थापक (पीएस), अंजली सिन्हा, मुख्य कार्यशाळा व्यवस्थापक, माटुंगा, शिवाजी सुतार, मुख्य जनसंपर्क अधिकारी, मध्य रेल्वेचे व इतर वरिष्ठ अधिकारी. होते.

यापूर्वी डॉ आर. छत्रपती शिवाजी महाराज टर्मिनसच्या हेरिटेज हॉलमध्ये आयोजित कार्यक्रमात मध्य रेल्वेचे अतिरिक्त महाव्यवस्थापक बद्री नारायण आणि इम्पॅक्ट इंडिया फाउंडेशनचे अध्यक्ष आर सी सरीन यांनी पत्रकारांना माहिती दिली.

इंडियन रेलवे आणि इम्पॅक्ट इंडिया फाउंडेशनने मिळून छत्रपती शिवाजी महाराज टर्मिनस येथे 16 जुलै 1991 रोजी लाइफलाईन एक्सप्रेस – हॉस्पिटल ऑन व्हील्स सुरू केली. या ट्रेनच्या माध्यमातून देशातील दुर्गम भागातील गरीब लोकांना मोफत वैद्यकीय सेवा पुरवणे शक्य झाले.

सात कोचच्या ट्रेनमध्ये अत्याधुनिक तांत्रिक उपकरणे आणि वैद्यकीय टीम तयार करण्यात आली असून ही टीम ग्रामीण भागातील रुग्णांवर काम करते. मध्य रेल्वेच्या माटुंगा कार्यशाळेमध्ये या रेल्वेची वेळोवेळी ओव्हरहाऊलिंग होत असते.

लाइफलाईन एक्स्प्रेसने १३८ जिल्ह्यात २०१ ग्रामीण ठिकाणी १२ लाख ३२ हजार रूग्णांवर उपचार करण्यात आले आहेत. यामध्ये गतिशीलता सुधारणे, दृष्टी, ऐकणे, चेहऱ्याची विकृती, अपसमार, दंत समस्या, कर्करोग यासारखे अनेक उपचार केले आहेत.

महाराष्ट्रात या गाडीने गेल्या दोन वर्षात रत्नागिरी, बल्लारशहा आणि लातूर येथे प्रकल्प चालवले आहेत. तसेच लाइफलाईन एक्सप्रेस पुढील प्रकल्पांसाठी साहिबगंजकडे रवाना होणार असल्याची माहिती मध्य रेल्वेकडून देण्यात आली आहे.

 

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!