मुंबई | Mumbai
चंद्रपूर जिल्ह्यातील (Chandrapur district) ब्रम्हपुरी शहरातील (Bramhapuri City) न्यायालयाच्या नवीन इमारतीच्या गेटवर एका तरुणीने गळफास घेऊन आत्महत्या (Suicide) केल्याची धक्कादायक घटना घडली आहे…
याबाबत अधिक माहिती अशी की, पौर्णिमा मिलिंद लाडे (वय २७) असे आत्महत्या केलेल्या तरुणीचे नाव असून गडचिरोली जिल्ह्यातील कोरेगाव (चोप) येथील रहिवासी आहे. ब्रह्मपुरी शहरात न्यायालयाच्या (Court) नवीन इमारतीचे बांधकाम सुरूअसून सोमवारी रात्री बांधकाम करणारे कामगार कामावरून घरी गेले. त्यानंतर मंगळवारी पहाटेच्या सुमारास परिसरातील नागरिकांना न्यायालयाच्या गेटवरच तरुणीचा मृतदेह (Body) गळफास घेतलेल्या अवस्थेत दिसून आला.
दरम्यान, या घटनेची माहिती स्थानिकांनी पोलिसांना (Police) दिल्यानंतर पोलिसांनी तात्काळ घटनास्थळी दाखल होत मृतदेह ताब्यात घेत पुढील तपास सुरू केला आहे.