नाशिकमध्ये विजांच्या कडकडाटांसह पावसाला सुरवात

नाशिक |

विजांच्या कडकडाटांसह नाशिकमध्ये बुधवारी दुपारी १.४५ वाजता पावसाला सुरुवात झाली. यामुळे सकाळपासून घामामुळे लाहीलाही होणाऱ्या नाशिककरांना दिलासा मिळाला.

हवामान विभागाने राज्यात चार दिवस पावसाचा अंदाज व्यक्त केला होता. विजांच्या कडकाडाटांसह सुरु झालेल्या या पावसामुळे दुपारीच संध्याकाळसारखे वातावरण झाले. दुपारी १.४५ वाजता पाऊस सुरु झाला. शहर व उपनगरीय परिसरात पावसाला सुरुवात झाली. शहराच्या मध्यवर्ती भागांसह सिडको, सातपूर, आडगाव या ठिकाणी कोसळधार पहायला मिळाली. अचानक झालेल्या पावसाने नागरिकांची तारांबळ झाली. वाहनचालकांना वाहने थांबवून अडोशाच्या आधार घ्यावा लागला.