नाशिकरोड | प्रतिनिधी Nashikroad
लहवित ते लोहशिंगवेदरम्यान (lahavit to lohshingave) रुळावरून घसरलेली पवन एक्स्प्रेस (pawan express derailed) प्रवाशांसह जयनगरकडे रवाना करण्यात आली आहे. रात्रभर प्रवाशांनी नाशिकरोड रेल्वे स्थानकात (Railway Station) मुक्काम केला त्यानंतर आज सकाळी नव्या बोगी जोडून ही रेल्वे रवाना करण्यात आली….
अपघात घडल्यानंतर नाशिक महानगरपालिका तसेच राज्य परिवहन महामंडळाच्या बसेस अपघातस्थळी पोहोचल्या. यांनंतर येथील प्रवाशांना नाशिकरोड रेल्वे स्थानकामध्ये आणण्यात आले होते.
सायंकाळी या प्रवाशांच्या जेवणाची व्यवस्था करण्यात आली होती. सकाळीदेखील रुळावरून घसरलेले डब्बे बाजूला करण्याचे काम सुरू होते. रोड दुरुस्ती साठी तांत्रिक पथके तैनात करण्यात आली होती.
या अपघातातील मृताची अद्याप ओळख पटलेली नाही. तसेच जखमींवर उपचार सुरु करण्यात आले आहेत.
एक्सप्रेसला आज सकाळी डबे जोडण्यात आले. (new bogies join to the express) यानंतर सकाळी ६ वाजून २० मिनिटांनी रेल्वे जयनगरकडे (jayanagar) रवाना करण्यात आली.
रेल्वे ट्रॅकचे (Railway Track) काम प्रगतीपथावर आहे आणि आज दुपारपर्यंत ते दुरुस्त होण्याची अपेक्षा व्यक्त केली जात आहे. त्यामुळे देवळाली-लहवित (Deolali to Lahvit) दरम्यान बी/डब्ल्यू अप लाईनवर अप आणि डाऊन दोन्ही साईडच्या गाड्या धावत असल्याची माहिती देण्यात आली आहे.