नाशिक | प्रतिनिधी
अरबी समुद्रातील कमी दाबाच्या पट्टय़ामुळे राज्यातील सर्वच भागांत किमान तापमानात सरासरीच्या तुलनेत मोठी वाढ झाली आहे. नाशिक शहराचेही तपमान गेल्या आठवड्याभारत तब्बल १० अंशांनी वधारले आहेत…
वधारलेल्या तपमानामुळे आज (दि १९) आणि उद्या (दि २०) रोजी मेघगर्जनेसह पाऊस पडण्याची शक्यता हवामान विभागाने व्यक्त केली होती. त्यानुसार आज सकाळी नाशिक शहर आणि जिल्ह्यातील काही भागात तुरळक पावसाच्या सरी कोसळल्या.
नोव्हेंबर महिन्याच्या सुरुवातीला थंडीची चाहूल लागली असताना हळूहळू थंडी कमी होऊन तपमान कमालीचे वाढले. तपमानात सातत्याने वाढ होत असून गेल्या काही दिवसांपासून ढगाळ वातावरण आहे.
नाशकात १० ते १३ अंश सेल्सिअसदरम्यान खाली आलेला पारा आता २० अंशांपर्यंत वाढला आहे.
अरबी समुद्राच्या दक्षिण-पश्चिम आणि पूर्व भागात सध्या वाऱ्यांची चक्रीय स्थिती असून, कमी दाबाचा पट्टा निर्माण होत आहे. या पट्टय़ाची तीव्रता वाढण्याची शक्यता आहे. त्याचा परिणाम म्हणून पुढील दोन ते तीन दिवसांत कोकण, मध्य महाराष्ट्रात आणि त्यानंतर विदर्भ मराठवाडय़ासह संपूर्ण राज्यात काही ठिकाणी पावसाची शक्यता व्यक्त करण्यात आली आहे.
काही ठिकाणी विजांच्या कडकडाटात पाऊस होण्याचा इशाराही हवामान विभागाकडून देण्यात आला आहे.
दरम्यान, राज्यात पावसाची शक्यता असल्याने शेतकऱ्यांनी आपल्या शेतमालाची, पशुधनाची काळजी घ्यावी असे आवाहन करण्यात आले आहे.
मागील दहा दिवसाचे किमान आणि कमाल तापमान
दिनांक कमाल किमान
११ नोव्हेंबर 10.6℃ 27.8℃
१२ नोव्हेंबर 10.4℃ 29.2℃
१३ नोव्हेंबर 14.0℃ 30.3℃
१४ नोव्हेंबर 17.4℃ 31.3℃
१५ नोव्हेंबर 17.1℃ 31.5℃
१६ नोव्हेंबर 18.2℃ 31.8℃
१७ नोव्हेंबर 17.4℃ 31.9℃
१८ नोव्हेंबर 17.3℃ 31.5℃
१९ नोव्हेंबर 20.0℃….