'जलयुक्त शिवार अभियान' : जिल्ह्यातील २३१ गावांची निवड

नाशिक । प्रतिनिधी Nashik

'जलयुक्त शिवार अभियान टप्पा-2' पूर्वीप्रमाणेच सुरू करण्याचा निर्णय घेण्यात आला आहे. त्यात गावातील पाण्याचा ताळेबंद करून त्यानुसार मृद व जलसंधारण, पाण्याचा शाश्वत स्त्रोत उपलब्ध करणे, पाण्याचा अतिवापर झालेल्या भागात भूजलपातळी वाढवणे ही कामे केली जाणार आहेत. यासाठी भूजलपातळी व अवर्षणग्रस्त भाग या निकषांवर गावांची निवड केली आहे.

नवीन योजनेनुसार प्रत्येक गावाचा जल आराखडा तयार करून त्यानुसार गावात पाणलोट विकास करणे, जलसंधारण करणे, अपधाव रोखणे इत्यादी कामे केली जाणार आहेत. तसेच पाणी साठवण्यासाठी शेततळे उभारणे, प्लास्टिक अस्तरीकरण करून पाणी साठवणे, सूक्ष्म सिंचन, मूलस्थानी जलसंधारण, सामूहिक पद्धतीने समन्याय तत्त्वाने सिंचन व्यवस्था करणे, पाणी साठवलेल्या प्रकल्पांवर शेतकर्‍यांच्या सहभागातून सिंचन व्यवस्थापन करणे इत्यादी कामांना प्राधान्य दिले जाणार आहे.

नव्या योजनेतून जलसाक्षरतेला प्राधान्य दिले जाणार आहे. जलसाक्षरतेमुळे पाण्याचे योग्य व्यवस्थापन करून उपलब्ध पाण्याचा कार्यक्षमतेने वापर करण्यावर भर दिला जाणार आहे. विभागीय आयुक्तांनी सर्व संबंधित कार्यकारी अभियंता व जिल्हाधिकार्‍यांना पत्र देऊन जलयुक्त शिवार 2.0 योजनेसाठी गावांची निवड करण्याचे आदेश दिले होते. या योजनेत प्रामुख्याने प्रधानमंत्री कृषी सिंचन योजना व अटल भूजल योजनांत निवड झालेल्या गावांना प्राधान्य देण्याच्या सूचना दिल्या होत्या. त्यानुसार जिल्ह्यातील 231 गावांची निवड करण्यात आली आहे.

व्हॉट्सअ‍ॅप ग्रुप जॉईन करण्यासाठी इथे क्लिक करा...

निवड झालेली गावे

मालेगाव ( गावे 20) : एरंडगाव, कंधाणे, कजवाडे, चिंचवे गा, ज्वार्डी खु., ज्वार्डी बु., वळवाडे, गारेगाव, झाडी, नागझरी, पोहाणे, रामपुरा, वर्‍हाणे, सावकारवाडी, हताणे निमशेवाडी, मोरदर, वळवाडी, खाकुर्डी, टिपे. नांदगाव (गावे 12) : धोटाणे बुद्रुक, नांदूर, लोंढरे, रोहिले बुद्रुक, डॉक्टरवाडी, गणेशनगर, पिंप्राळे, वाखारी, धनेर, भार्डी, चांदोरे, मनमाड.

चांदवड ( 21) : इंद्रायवाडी, शिवाजीनगर, वाहेगावसाळ, कोकणखेडे, रापली, वागदर्डी, पिंपळद, तळवाडे, निमगव्हाण, वडनेरभैरव, शिवरे, बोराळे, दुधखेड, चिखलांबे, धोंडगव्हाण, धोतरखेडे, नवापूर, इंदिरानगर, खडकजांब, जैतापूर, भयाळे.

येवला ( 16) : आहेरवाडी, एरंडगाव खु., परंडगाव बु., कानडी, कोटमगाव बु., कोटमगाव बु., खैरगव्हाण, गोपाळवाडी, नायगव्हाण, पिंपळखुटे खु., बदापूर, भुलेगाव, मातूलठाण, रायते, लहित, शिरसगाव लौकी.

देवळा (14) : कापक्षी, कुंभार्डे, गिरणारे, गुंजाळनगर, फुलेमाळवाडी, अऊर, महालपाटणे, माळवाडी, लोहणेर, वरवंडी, विठेवाडी, सटवाईची वाडी, सांगवी, सुभाषनगर.

निफाड (16) : करंजगाव, कसबे सुकेणे, कोकणगाव, कोटमगाव, गोळेगाव, डोंगरगाव, थेरगाव, देवगाव, धारणगाँव खडक, नारायणटेंभी, निमगाव वाकडा, बोकडदरा, वडाळीनजीक, वावी, विंचूर, सारोळे खुर्द.

सिन्नर (15) : आशापूर, चापडगाव, सोनेवाडी, कृष्णनगर, कोमलवाडी, खंडागळी, गुरेवाडी, चोंढी, माळेगाव, मेंढी, देवपूर, निर्‍हाळे, पिंपरवाडी, फर्दापूर, वडगाव- सिन्नर, हरसूल.

दिंडोरी (14) : गांडोळे, गोळशी, चिल्हारपाडा, करंजखेड, देहरे, पळसविहीर, मोखनळ, महाजे, श्रीरामनगर, शिंदपाडा, सावरपातळी, बोरवण, जालखेड, कोकणगाव बु., वाघाड.

नाशिक (11) : गोविंदपूर, दोणवाडे, नानेगाव, भगूर, राहुरी, लहवित, लोहशिंगवे, वंजारवाडी, शेवगेदारणा, संसारी, बेलतगव्हाण.

पेठ (15) : आमडोंगरा, केळविहीर, खडकी, गावंध, डोंगरशेत, धुळघाट, फणसपाडा खु., बोरधा, रायतळे, लव्हाळी, शेवखंडी, सादरपाडा (रा.), होमपाडा डोल्हारमाळ, चोखमुख.

बागलाण ( 17) : जाखोड, जैतापूर, जोरण, नरकोळ, जुनी शेमळी, पठावेदिगर, भुयाणे, मानूर, वाडीचौल्हेर, बोढरी, चिराई, बहिराणे, वरचे टेंभे, खालचे टेंभे, इजमाने, मालेगाव भामेर, बिजोरसे.

कळवण (15) : बगडू, भेंडी, भुसणी, बिजोरे, दयाणेदिगर, दरेगाव- हतगड, देसराणे, इंशी, मोकभणगी, नाळीद, नांदुरी, नवीबेज, पिंपळ बु., सावरपाडा, सुळे, विसापूर.

सुरगाणा (15) : अंबाठा, अंबोदे, चिंचपाडा, दोडीचापाडा, गोंदुणे, हट्टी बु., हेमाडपाडा, मांधा, मनखेड, पायरपाडा, पिंपळचोंड, रगतविहीर, राहुडे, उंबरपाडा, वांजूळपाडा, वाघाडपाडा.

इगतपुरी (15) : अडसुरे बु., बाहुली खु., भंडारदरवाडी, भरवीर खु., बॉबलेवाडी, धारणगाव, घोडेवाडी, चिचलखैरे, माणिकखांब आंदोळी, सातुरली, टाकेद बु., शेवगेडांग, सोनोशी, बारशिंगवे.

त्र्यंबकेश्वर (15) : बेहेडपाडा, दापूर. धाडोशी, हातलोंडी, कास, खंबाळे, खरोली, कोटांबी हरसूल,, हुंब्याची मेट, मेटघर किल्ला, मुळवड, नांदगाव, राजीवनगर, सापगाव, शिंदपाडा.