मुंबईत जोरदार पाऊस सुरु आहे. यामुळे मुंबईतील सखल भागांत पाणी साचले. त्याचा परिणाम बस व रेल्वे सेवेवर जाहीर झाला.मुंबईत पुढच्या २४ तासात जोरदार पावसाचा इशारा देण्यात आला आहे.
मुसळधार पावसामुळे मुंबई अनेकदा तुंबत असते. मंगळवारपासून सतत कोसळत असलेल्या पावसामुळे मुंबईतील रस्ते तुंबले आहेत. बुधवारी पुन्हा चाकरमान्यांना त्याचा फटका बसला. मंगळवार सायंकाळपासूनच सुरू झालेल्या जोरदार पावसामुळे मुंबईतील रस्ते जलमय झाले आहेत. यामुळे रेल्वे वाहतूकही विस्कळीत झाली आहे. रेल्वे ट्रॅकवरही पाणी असल्याने रेल्वे वाहतूक पूर्णपणे ठप्प करण्यात आली आहे.या पार्श्वभूमीवर मुंबई महापालिका आयुक्त इकबाल सिंह चहल यांनी सुट्टी जाहीर केली आहे. रस्त्यावर पाणी साचल्यामुळे बेस्टची वाहतूकही वळवण्यात आल्याचे मुंबई महापालिकेकडून सांगण्यात आले आहे.
