नाशिक । प्रतिनिधी Nashik
मान्सूनचा ( Mansoon) जोर अधिक उत्तरेकडे न सरकता त्याच्या मूळ सरासरीच्या जागेवरच खिळलेला राहिला असल्याचे चित्र आहे. त्यामुळे मान्सून शनिवार दि.२३ पासून पुन्हा दक्षिणेकडे सरकण्याच्या शक्यते मुळे महाराष्ट्रात मुंबईसह कोकण, गोवा व विदर्भ वगळता उर्वरित मध्य महाराष्ट्रातील १० व मराठवाड्यातील ८ जिल्ह्यात उद्या शनिवार दि.२३ पासुन त्यापुढील ३ दिवस मध्यम ते मुसळधार पावसाची शक्यता (Chance of moderate to heavy rain) जाणवते,असे पुणे वेधशाळेचे निवृत्त हवामान तज्ञ माणिकराव खुळे (Manikrao Khule, a retired meteorologist) यांनी सांगितले.
विशेषतः नाशिक इगतपुरी,त्र्यंबकेश्वर, पेठ दिंडोरी, सटाणा,कळवण,पालघर, डहाणू, तलासरी, जव्हार,मोखाडा,नवापूर, नंदुरबार, शहादा तळोदे अक्राणी ,अक्कलकुवा, शिरपूर,चोपडा ,रावेर ,यावल, एडलाबाद, जामोद या तालुक्यात तर मराठवाड्यातील जालना ,हिंगोली, नांदेड जिल्ह्यात रविवार, सोमवार (२४-२५) रोजी अधिक जोरदार पावसाची शक्यता जाणवते.मुंबईसह कोकणातील ४, गोवा व विदर्भातील १० जिल्ह्यात मात्र पुढील काही दिवस अति जोरदार पावसाची शक्यता कायम आहे.
याचाच अर्थ काहीश्या उघडीपीनंतर शनिवारपासुन पाऊस पुन्हा काहीसा सक्रिय होण्याची शक्यता जाणवते,असेही खुळे यांनी सांगितले.
