नाशिक । प्रतिनिधी Nashik
सावित्रीबाई फुले पुणे विद्यापीठाच्या ( Savitribai Phule Pune University ) द्वितीय सत्रातील पदविका, पदवी आणि पदव्युत्तर पदवी अभ्यासक्रमाच्या नियमित आणि अनुशेेषित, तसेच बहि:स्थ श्रेणीसुधार परीक्षा 12 जुलैपासून ऑनलाइन पद्धतीने (Online Examinations) टप्याटप्प्याने घेण्यात येणार आहेत. या परीक्षांचे वेळापत्रक विद्यापीठाच्याwww.unipune.ac in या संकेतस्थळावर प्रसिद्ध केले जाणार आहे.
दरम्यान, विद्यापीठाची अंतिम परीक्षा सुरू होण्यापूर्वी परिक्षांची माहीती होण्याच्या दृष्टीने 8 ते 10जुलै या कालावधीत सराव परीक्षा घेण्यात येणार आहे.
ऑनलाइन परीक्षेसाठी बहुपर्यायी 60 प्रश्न असणार आहेत. त्यातील 50 प्रश्नांची अचूक उत्तरे ग्राह्य धरली जातील.
विज्ञान, बीसीए (प्रथम वर्ष) व अभियांत्रिकी अभ्यासक्रमातील गणित व संख्याशास्त्र विषयांसाठी एकूण 30 प्रश्न विचारले जाणार असून त्यातील 25 प्रश्नांची उत्तरे ग्राह्य धरण्यात येणार आहेत. द्वितीय सत्र परीक्षेबाबतची मार्गदर्शक तत्त्वे व सूचना विद्यापीठाने परिपत्रकाद्वारे नुकत्याच जाहीर केले आहेत.
तक्रारीत तथ्य असल्यास फेर नियोजन
लॉगीन न होणे / अचानक लॉगआऊट होणे व पुन्हा लॉगीन न करता येणे. इंग्रजी / मराठी माध्यम प्रश्नपत्रिका उपलब्ध न होणे, आकृत्या न दिसण चुकीच्या प्रश्नपत्रिका उपलब्ध होणे.पेपर सबमिट न होणे. परीक्षेच्यावेळी कोविड विषाणूची बाधा, विद्यापीठ आयोजित दोन विषयांच्या परीक्षा े अथवा विद्यापीठ परीक्षा व सीईटी. सी. ए. सी.एस किंवा तत्सम स्पर्धा परीक्षा एकाच दिवशी एकाच वेळी येणे अशा तकारीत अर्जांची छाननी करुन सत्यता पडताळणी केली जाईल व त्यानंतर तकारीमध्ये तथ्य असलेल्या पात्र विद्यार्थ्यांच्या परीक्षांचे फेरआयोजन करण्यात येईल.
विद्यार्थ्यांच्या दृष्टीने महत्त्वाचे
तांत्रिक अडचणीत सॉप्टवेअर मा़र्फत राहिलेला वेळ आपोआप वाढुन मिळेल.
परीक्षेसाठीचा कालावधी दोन तासांचा असला तरी प्रत्यक्ष लॉगिंन केल्यावर प्रश्नपत्रिका सोडवण्यासाठी 1 तासाचीच वेळ असेल.
परीक्षेबाबत विद्यार्थांना नोंदणीकृत एस. एम. एस.व ईमेलद्वार कळवण्यात यईल.