निवडणूक खर्च सादर करा या अँपवर

मुंबई / प्रतिनिधी

निवडणुकीचा खर्च अँपने दाखल करण्याची सुविधा मिळणार आहे. निकालानंतर ३० दिवसांत हा खर्च दाखल करावा लागणार असल्याची माहिती राज्य निवडणूक आयुक्त यू. पी. एस. मदान यांनी बुधवारी येथे दिली.

महाराष्ट्र ग्रामपंचायत अधिनियमानुसार निवडणूक लढविणाऱ्या सर्व उमेदवारांना निवडणुकीच्या निकालानंतर ३० दिवसाच्या आत एकूण खर्चाचा हिशेब सादर करणे बंधनकारक आहे. विहित मुदतीत आणि पद्धतीने खर्च सादर न करणाऱ्या उमेदवारांना अपात्र घोषित करण्यात येते.

निवडणूक आयोगाने ट्रू व्होटर अँपने खर्च सादर करण्याची सुविधा उपलब्ध करून दिली आहे. ही सुविधा ऐच्छिक स्वरूपाची आहे; परंतु याद्वारे किंवा पारंपरिक पद्धतीने विहित मुदतीत खर्च सादर करणे बंधनकारक आहे, असे मदान यांनी सांगितले.