नाशिक | प्रतिनिधी | Nashik
नाशिक जिल्ह्यात गेल्या तीन ते चार दिवसांपासून मुसळधार पाऊस (Heavy Rain) कोसळत आहे. जिल्ह्यातील धरणांच्या पाणलोट क्षेत्रात पाऊस बरसत असल्याने धरणांच्या जलसाठ्यात वाढ होत आहे….
यामुळे नाशिक जिल्ह्यातील अनेक धरणांमधून पाण्याचा विसर्ग (Water Discharged) सुरु आहे. जिल्ह्यातील नद्या, नाले दुथडी भरून वाहत आहेत.
आज सायंकाळी ७ वाजता नांदूरमध्यमेश्वर धरणातून (Nandurmadhyameshwar Dam) ३१ हजार ८४९ क्युसेस पाण्याचा विसर्ग सुरु करण्यात आला आहे. तसेच नदीकाठच्या गावांना सतर्कतेचा इशारा प्रशासनाकडून देण्यात आला आहे.
दारणा धरणातून (Darna Dam) ५ हजार ९२४ क्युसेस तर कादवा धरणातून ४ हजार ९५९ क्युसेसने विसर्ग सुरु आहे. गंगापूर धरणातून (Gangapur Dam) २६८ क्युसेसने पाणी सुरु असून होळकर पुलाखालून (Holkar Bridge) ३८९ क्युसेस पाण्याचा विसर्ग होत आहे.
नाशकात जोर’धार’; गणेश भक्तांच्या उत्साहावर पाणी
गंगापूर धरणाच्या (Gangapur Dam) पाणलोट क्षेत्रात मुसळधार पाऊस सुरु आहे. त्यामुळे गंगापूर धरणातूनही पाण्याचा विसर्ग वाढवण्याची शक्यता वर्तवली जात आहे.